ЯҢАЛЫКЛАР


17
май 2019 ел.
җомга

Буа районында «Зөя буйлары» тыюлыгы белгечләре "Светофорик" балалар бакчасында тәрбияләнүчеләр белән агачлар һәм куаклар утырттылар. Балалар педагоглар һәм ата-аналар белән бергә 200 төп үсенте һәм 50 куак үсентесе утырттылар. Киләчәктә аллея үзенең яшеллеге белән бакча территориясен сөендерәчәк. Шулай итеп, балалар һәм олылар тырышлыгы белән әйләнә-тирә мохитне саклауга өлеш кертелде. Агач утыртуда барлыгы 40 кеше катнашты.

«Парклар маршы» табигатьне саклау акциясе кысаларында « Озын Алан» тыюлыгы белгечләре дә «Урман утырту көне»акциясенә кушылдылар. Чара Татарстан РеспубликасыКама Тамагы районының Сөйки авылында Бөек Ватан сугышында һәлак булган геройларга куелган мемориал территориясендә узды. Акция «Җиңү агачы» девизы астында узды. Акциядә Сөйки урта мәктәбенең өлкән сыйныф укучылары актив катнашты. Барлыгы 30 дан артык Себер карагач үсентесе утыртылды. Чара ахырында мәктәпкә тыюлык администрациясеннән Татарстан Республикасының Кызыл китабы тапшырылды.

Ә «Балтач» дәүләт табигать тыюлыгы хезмәткәрләре, Балтач участок урманчылыгының урман хезмәткәрләре белән берлектә, Урман утырту көне кысаларында, Салавыч балалар бакчасы, Кече Лыза урта мәктәбе, Балтач урта мәктәбе белән берлектә, үсентеләр утыртуны оештырдылар. Чарада катнашучылар агач утыртып кына калмадылар, элек утыртылган агачларны да  тәрбиясез калдырмадылар. Бу көнне барлыгы 800дән артык агач үсентесе утыртылды.​


16
май 2019 ел.
пәнҗешәмбе

Бүген, 16 май көнне, “Балык – булсын!” акциясе кысаларында, Кама Тамагы районының Тәмте авылында Комитетның төп чара узды.

Ясалма уылдык чәчү урыннарын урнаштыруда Кама Тамагы районың башлыгы Н.А Вазыхов катнашты, шулай ук район башкарма комитет аппараты, Тәмте гомуми белем бирү мәктәбе укучылары, һәм җирле Балык тоту клубы.

Дәүләт комитеты рәисе урынбасары Р. Г. Шәрәфетдинов акциядә катнашучыларны сәламләде, чараның әһәмияте, аның балыклар өчен уылдык чәчүгә уңай йогынтысы турында сөйләде.

Кама Тамагы районы акваториясендә чара вакытында уылдык чәчү урыннары 1,5 километр урнаштырылды.

Икенче ел рәттән “Балык-Булсын!” акциясе , Татарстан Республикасының Урман хуҗалыгы министрлыгы, Россия гадәттән тыш хәлләр министрлыгының ТР буенча Баш идарәсе һәм яр буе муниципаль берәмлекләре башкарма комитетлары ярдәмендә Татарстан Республикасының Биологик ресурслар буенча дәүләт комитеты тарафыннан оештырыла.


15
май 2019 ел.
чәршәмбе

“Дустыңа урман бүләк ит” экологик программасы – ГАҖ «Почта Банк» һәм “Maraquia.com” агачлар утырту буенча интернет-сервисның уртак проекты, шул исәптән аеруча саклана торган табигый территорияләрдә.

2019 елның 25 апрелендә программага комплекслы профильле региональ әһәмияттәге “Чатыр-Тау” дәүләт табигать тыюлыгы кушылды. 2019 елның 15 маена 10 гектар мәйданда 38 мең Европа чыршысы һәм гади нарат үсентесе утыртылды.

Хәзерге вакытта әлеге проект кысаларында ДБУ «Азнакай урман хуҗалыгы» белән, утырту материалы белән тәэмин итү һәм әзерлек, утырту һәм агротехник эшләр үткәрү буенча килешү төзелде. Проектка кертелгән агачлар Татарстан Республикасының Азнакай муниципаль районы Уразай авылы янында, “Чатыр-Тау” тыюлыгы чикләрендә, чокыр эрозиясенә дучар ителгән җир кишәрлекләрендә утыртыла. Үсентеләр утырту туфракны су һәм җил эрозиясеннән саклауга, шулай ук тыюлык территориясенең экологик торышын яхшыртуга ярдәм итәчәк.


14
май 2019 ел.
сишәмбе

Татарстан Республикасының Куйбышев һәм Түбән Кама сусаклагычлары акваторияләрендә су биологик ресурсларын саклау һәм яңадан торгызу һәм уылдык чәчү өчен уңай шартлар тудыру максатыннан, 6 майда “Балык-булсын!” акциясе старт алды.

Әлеге чара вакытында суга ясалма уылдык чәчү урыннары ясап урнаштырыла. Уылдык чәчү урыннарының конструкциясе һәр метр аша ылыслы ботак (оялар) эленгән, шулай ук йөк һәм йөзмәләр эленгән (алга таба уылдык чәчү урыннарын табу өчен) баудан (100-150 метр озынлыктагы) ясалган. Уылдык чәчү урыннары, аларда маймычлар чыккач, сулыктан алына һәм утильләштерелә.

Акция Әгерҗе, Актаныш, Югары Ослан, Яшел Үзән, Алабуга, Кама Тамагы, Мамадыш, Минзәлә, Менделеевск, Балык Бистәсе, Спас, Тәтеш, Чистай районнарында узды инде.

14 майга 21950 оялык уылдык чәчү урыннары куелды.

Фәнни мәгълүматлар буенча, бер оядан якынча 1,1-1,2 кг балык чыга, димәк 21950 оя=26340 кг.

Акция Кама Тамагы районында -16 майда, Мамадыш районында -24 майда, Менделеевск районында – 15-16 майда, Түбән Кама районында – 17 майда, Спас районында – 15 майда, Тукай районында 25 майда дәвам итәчәк.

Тулырак мәгълүматны сез 211 66 94 телефоны буенча ,су биологик ресурслар бүлегендә ала аласыз.

Фото: Тәтеш районы

“Балык-булсын!” акциясе кысаларында 13 май көнне Актаныш районы башкарма комитеты, район мәгариф идарәсе, урманчылыклар, Татар Ямалы мәктәбе хезмәткәрләре, Татарстан Республикасының Актаныш һәм Минзәлә районы буенча Биологик ресурслар буенча дәүләт комитетының аучылык күзәтчелеге бүлеге белән берлектә, 5,2 км ясалма уылдык чәчү урыны  урнаштырдылар.

Акциядә "Нептун"балык сәнәгате оешмасы хезмәткәрләре дә актив катнаша. Һәр бригада үз участогында уылдык чәчү урыннарын урнаштыра.

МБББУ “Татар Ямалы урта мәктәбе” укучылары һәм хокук бозуларга профилактика ясау отряды, отряд җитәкчесе Зилә Нәгыймова белән берлектә, шулай ук акциягә кушылдылар. Чара ахырында балаларга кармак бүләк иттеләр һәм тәмле чәй эчерттеләр.

Шулай ук бүген акциягә Алексеевск районы да кушылды. Куйбышев сусаклагычында уылдык чәчү урыннарын мәктәп укучылары, район администрациясе, Дәүләт комитеты һәм ҖЧҖ  “Лаеш балык заводы” хезмәткәрләре куйды.

Фото: Актаныш районы      

Алексеевск районы


13
май 2019 ел.
дүшәмбе

Кар эрегендә барлыкка килгән чүп-чарны җыеп алу өчен "Спас" дәүләт табигать тыюлыгы белгечләре Мурзак Любовь һәм Костин Евгений «ТР Спас муниципаль районы традицияләрендә һәм тарихында бердәмлек үсешенә ярдәм итү һәм аны үстерү» җәмгыяте рәисе Марянин Валерий һәм ТР Спас районы мәгариф бүлеге укытучысы Журавлев Сергей белән берлектә, Полянка төп гомуми белем бирү мәктәбе укучылары, Тәнкәй төп гомуми белем бирү мәктәбе укучылары, «Сәламәтлек мөмкинлекләре чикләнгән балалар өчен Болгар мәктәп-интернаты”укучылары һәм “Теремок” балалар бакчасы тәрбияләнүчеләре өчен “Чисталык дәресләре” үткәрделәр. Дәресләрдә көнкүреш калдыкларның безнең сәламәтлегебезгә һәм әйләнә - тирә дөньяга нинди зыян китерүе:  урманда ташланган пластик шешәләр - 100 елдан артык, алюминий банкалар-500 ел, ә пыяла 1000 елдан артык таркалуы турында сөйләделәр.

Балаларга экологик фильмнар күрсәтелде, шуннан соң «Планетабызны саклагыз» дигән рәсем, «Табигатьне саклау - һәркемнең эше» дигән экологик плакат, «Табигатьне саклагыз» дигән  экологик листовка конкурслары үткәрелде.

Полянка һәм Тәнкәй мәктәпләре укучылары, үткәрелгән әңгәмәдән соң, үзләренең авылларын чистартырга булдылар һәм макулатура һәм эшкәртү өчен чыгарылган 600 кг тирәсе пластик җыеп, өмә үткәрделәр.

Иң яхшы рәсем, плакат һәм листовка ясаган җиңүчеләр, Татарстан Республикасының Биологик ресурслар буенча дәүләт комитеты грамоталары белән бүләкләнделәр.


8
май 2019 ел.
чәршәмбе

1941-1945 еллардагы Бөек Ватан сугышында Җиңүнең 74 еллыгы алдыннан Татарстан Республикасының Биологик ресурслар буенча дәүләт комитеты хезмәткәрләре өлкәнең Бөек Ватан сугышы ветераннарын һәм тыл хезмәтчәннәрен өйләренә барып котладылар.

 Татарстан Республикасының Биологик ресурслар буенча дәүләт комитеты ветераннарга һәм тыл хезмәтчәннәренә тыныч күк йөзе, балалар елмаюы,безнең, сугыштан соң туган буынның Ватан сугышының нәрсә икәнлеген белмәве өчен рәхмәт белдерә һәм түбән баш ия. Сезгә сәламәтлек, күңел җылысы, иминлек һәм озын гомер телибез.​


7
май 2019 ел.
сишәмбе

Татарстан Республикасының Куйбышев һәм Түбән Кама сусаклагычлары акваторияләрендә су биологик ресурсларын саклау һәм яңадан торгызу һәм Уылдык чәчү өчен уңай шартлар булдыру максаты белән, икенче ел рәттән, ясалма уылдык чәчү урыннары булдыру һәм урнаштыру буенча, «Балык-Булсын!» дигән акция үткәрелә.

Чаралар Татарстан Республикасының барлык унҗиде яр буе муниципаль берәмлегендә дә үткәреләчәкләр.

Акция Татарстан Республикасының Биологик ресурслар буенча дәүләт комитеты тарафыннан, Татарстан Республикасының балык сәнәгате оешмалары, ТР Урман хуҗалыгы министрлыгы, Россия гадәттән тыш хәлләр министрлыгының Татарстан Республикасы буенча Баш идарәсе, ТР муниципаль берәмлекләренең башкарма комитетлары һәм район белем бирү учреждениеләре ярдәмендә оештырыла.

         2019 елның 6 маенда Тәтеш муниципаль  районының Идел елгасы яр буе  зонасында «Балык-Булсын!» акциясе кысаларында ясалма уылдык чәчү урыннары урнаштырдылар. Чарада Дәүләт комитетының район хезмәткәрләре, шул исәптән «Озын Алан» дәүләт табигать тыюлыгы хезмәткәрләре, шулай ук дәүләт комитеты карамагындагы « Хайваннар дөньясын саклау өлкәсендә инновацион технологияләр кертү үзәге » дәүләт бюджет учреждениесе хезмәткәрләре, полиция хезмәткәрләре(Россия гадәттән тыш хәлләр министрлыгының ТР буенча ГИМС), урманчылык, балык сәнәгатчеләре һәм җәмәгатьчелек катнаштылар. Беренче көнне ылыслы ботаклардан 1400 метр ясалма уылдык чәчү урыннары урнаштырылды.

Якын арада акция Идел елгасы ярындагы «Озын Алан» тыюлыгы һәм Урюм авылы янында дәвам итәчәк.​


6
май 2019 ел.
дүшәмбе

30.04.2019 елны  Татарстан Республикасының  Биологик ресурслар  буенча дәүләт комитеты тарафыннан  Тукай районы буенча хайваннар, үсемлекләр дөньясы һәм аеруча саклаулы табигать территорияләре өлкәсендә дәүләт күзәтчелеге буенча район (районара) бүлек башлыгы вазыйфасына кадрлар резервына кертүгә конкурс үткәрелде.

Үткәрелгән конкурс нәтиҗәсендә җиңүче дип Грищук Дмитрий Федорович танылды.

Кадрлар резервына кертелүгә конкурс дәгъвачыларына документлар,  Татарстан Республикасының Биологик ресурслар буенча дәүләт комитетына адресланган язма гариза буенча, конкурс тәмамланганнан соң өч ел дәвамында (420021, Казан шәһәре, Кәрим Тинчурин урамы, 29 йорт)  кире кайтарылырга мөмкин.


30
апрель 2019 ел.
сишәмбе

Татарстан Республикасының Биологик ресурслар буенча дәүләт комитетының «Спас» тыюлыгында эшләүче белгечләре хәрби хезмәт ветераннары, шулай ук казак, кадет мәктәбе һәм «Юнармия» яшьләр хәрәкәтеннән яшь армиячеләр белән берлектә Идел ярларын чүп-чардан чистарту буенча чара үткәрделәр. Кайбер ветераннар чарага үзләренең балалары белән килделәр.

Уртак көч белән, элеккеге «Болгар» иске пристаненнан алып ТР Спас муниципаль районының «Райтопсбыт» причалы территориясенә кадәр,  Идел елгасының яр буе линиясе чистартылды.  Якынча исәпләүләр буенча, машиналар белән, каты көнкүреш калдыклар полигонына 30 кубометрдан артык чүп чыгарылды.

Акция бәйрәм рухында узды, чөнки елга ярында эшләгәннән соң,  акциядә катнашучыларның барысын да балык ашы һәм кайнар чәй көтте, ә кадет интернат-мәктәбе укытучысы Евгений Кременсков ярга үзенең баянын алып  килде. Барысы да мондый уртак чараларны традициягә кертергә дигән фикергә килделәр.​


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования