«Чиста болыннар» дәүләт табигать тыюлыгы хезмәткәрләре «Көзге игелек атнасы» республика акциясендә катнашты.
2019 елның 5 сентябреннән 12 сентябренә кадәр Татарстан Республикасында «Көзге игелек атнасы» дип исемләнгән хәйрия акциясе узды. Бу акция – игелекле эшләр эстафетасы, ТР халкын ирекле эшчәнлеккә җәлеп итүгә, социаль әһәмиятле проблемаларны хәл итүгә юнәлтелгән уңай чараларны тормышка ашыруга юнәлтелгән. Һәр көн үз юнәлешен йөртә.
10 сентябрьдә «Чиста болыннар» дәүләт табигать тыюлыгы хезмәткәрләре һәм «Камалия» ял һәм үстерү үзәге хезмәткәрләре, игелек акциясе кысаларында, бергәләп, экологик чара оештырдылар. Анда 60 урта сыйныф укучысы катнашты.
Балалар өчен туган шәһәрнең экологик проблемаларына игътибарны җәлеп итүгә юнәлтелгән интерактив танып-белү программасы әзерләнгән иде. Программа барышында балалар актив катнаштылар, сорауларга җавап бирделәр, үзләренең күзәтүләре һәм белемнәре белән уртаклаштылар. Иң актив катнашучыларга һәм уенда җиңүчеләргә тыюлык хезмәткәрләре Татарстан Республикасының Биологик ресурслар буенча дәүләт комитетыннан бүләкләр тапшырдылар.