ЯҢАЛЫКЛАР


7
декабрь 2018 ел.
җомга

 2018 елның 7 декабрендә Татарстан Республикасының Биологик ресурслар буенча дәүләт комитеты тарафыннан Азнакай районы буенча хайваннар, үсемлекләр дөньясы һәм аеруча саклана торган табигый территорияләр өлкәсендә дәүләт күзәтчелеге буенча район (районара) бүлеге башлыгы вазыйфасына кадрлар резервына кертүгә конкурс үткәрелде.

Кадрлар резервына кертүгә конкурс нәтиҗәләре турында мәгълүмат, Татарстан Республикасының Биологик ресурслар буенча дәүләт комитетының рәсми сайтының «Кадрлар сәясәте» бүлегендә «Буш урыннар» бүлекчәсендә урнаштырылган.

"Озын Алан» тыюлыгы белгечләре, Тәтеш районының кайбер белем бирү  оешмаларында экологик белем бирү  чаралары үткәрделәр.

Чараларда балалар тыюлыкның табигате, Татарстанның кыргый хайваннары, кеше өчен су, урман һәм башка табигый байлыкларның әһәмияте турында күп кенә яңалыклар белделәр.

Моннан тыш, «Чыршыны саклыйк» дигән  һәм башка традициягә кергән «кышкы» дәресләр башланды.

Шулай ук «Парклар маршы-2018» табигать саклау акциясенең  җиңүчеләрен бүләкләделәр.


6
декабрь 2018 ел.
пәнҗешәмбе

5 декабрьдә Татарстан Республикасы Министрлар Кабинетында республика Премьер-министрының беренче урынбасары Р. К. Нигъмәтуллин рәислегендә, Татарстан Республикасында су биологик ресурсларын саклау мәсьәләләре буенча, 17 яр буе муниципаль районы катнашында Республика советының чираттагы утырышы узды. Анда 2018 ел өчен эш нәтиҗәләренә башлангыч йомгак ясадылар һәм алдагы кышка бурычларны билгеләделәр.

Төп докладчылар булып түбәндәгеләр торды: ТР Биоресурслар буенча дәүләт комитетының Рәисе Батков Ф. С, Росбалыкчылыкның Урта Идел территориаль идарәсенең ТР буенча дәүләт контроле, күзәтчелеге һәм саклау бүлеге башлыгы Сәмигуллин М. М., УЭБ һәм ТР ЭЭМ ПК Минушев Т. Р.

Беренче тапкыр әлеге утырыш 17 яр буе муниципаль берәмлегеннән ведомствоара комиссия эше буенча җаваплы белгечләр катнашында узды. Утырышта төп эш юнәлешләре, шулай ук күзәтчелек ведомстволарының эш нәтиҗәләре каралды.

Утырышның икенче өлешендә ведомствоара хезмәттәшлекне оештыру буенча инструктаж үткәрелде, шулай ук иң яхшы эш нәтиҗәләренең, шул исәптән браконьер становларын бетерү буенча да мисаллары китерелде.


5
декабрь 2018 ел.
чәршәмбе

2018 елның 12 декабрендә 12.00 сәгатьтән 20.00 сәгатькә кадәр, Россия Федерациясе Президенты йөкләмәсе нигезендә, Россия Федерациясе дәүләт хакимияте һәм җирле үзидарә органнарында Гомумроссия гражданнарны кабул итү көне узачак.

Татарстан Республикасының Биологик ресурслар буенча дәүләт комитетында кабул итү Казан шәһәре, Кәрим Тинчурин урамы, 29 йорт адресы буенча үткәреләчәк.

Татарстан Республикасының Биологик ресурслар буенча дәүләт комитеты компетенциясенә түбәндәге мәсьәләләрне хәл итү керә:

1. Бердәм федераль үрнәктәге аучылык билетларын бирү һәм гамәлдән чыгару тәртибе. 

2.Татарстан Республикасында аучылык байлыкларын табуга рөхсәтнамәләр алу тәртибе.

3.Тояклы хайваннарны тотуга рөхсәтнамәләрне бүлү һәм үткәрү тәртибе.

4. Аучылык төрләренә карамаган хайваннарны тотуга рөхсәт бирү.

5. Гражданнарның аерым саклана торган табигый территорияләрдә булу кагыйдәләре.

6. Республикада су-биологик ресурсларын саклау буенча үткәрелә торган чаралар

Кабул итүгә алдан язылу код 8 843  телефон 2-11-66-94  буенча башкарыла 

(Алдан язылу мәҗбүри түгел).

«Чатыр-Тау» тыюлыгы хезмәткәрләре 5-11 сыйныфлар арасында йомгаклау линейкаларында, шулай ук Азнакай шәһәренең 7 нче урта гомуми белем бирү мәктәбендә узган укучыларның Россия хәрәкәте сафларына керү тантанасында катнаштылар.

Линейка вакытында тыюлык хезмәткәрләре укучыларны «Парклар маршы – 2018» акциясе кысаларында үткәрелгән табигать саклау чаралары белән таныштырдылар. «Чатыр-Тау» тыюлыгы башлыгы Кашапов Илназ Рәшит улы, укуларында уңышлар теләп, «Тыюлыклы табигатьне саклыйк» балалар плакатлар конкурсы призерларына, ә шулай ук мәктәп укытучыларына, Татарстан Республикасының Биологик ресурслар буенча дәүләт комитетыннан грамоталар һәм истәлекле бүләкләр тапшырды. Тантаналы чарада 396 укучы катнашты.


4
декабрь 2018 ел.
сишәмбе

Татарстан Республикасында 15 ноябрь көнне су йөзүче, сазлык-болын һәм кыр киек кошларына ау чоры тәмамлануы турында исегезгә төшерәбез.   Шул ук вакытта, бүген – табыш турында мәгълүматларны күрсәтеп, алу урыны буенча рөхсәтләрне кире кайтаруның  соңгы көне.

Рөхсәтләрне вакытында кайтармаган өчен административ җаваплылык каралган.


3
декабрь 2018 ел.
дүшәмбе

Кыш һәм беренче салкыннар башыннан "Зөя буйлары" дәүләт табигый тыюлык белгечләре Татарстан Республикасы Буа муниципаль районының кайбер мәктәпләрендә экологик дәресләр үткәрделәр.

Уку йортларында Буа районы территориясендә әйләнә-тирә мохитне һәм хайваннар дөньясын саклау темасына лекцияләр үткәрелде. Белгечләр чыгышында шулай ук кошларны кышлату һәм аларны кышкы чорда тукландыру мәсьәләләре дә күтәрелде. “Буа районында нинди хайваннар һәм кошлар яши?” темасына викторина үткәрелде. Экологик дәресләрдә барлыгы 240 укучы катнашты.

Ахырдан "Парклар маршы 2018" республика табигать саклау акциясендә актив катнашучыларга кыйммәтле бүләкләр һәм Татарстан Республикасының Биологик ресурслар буенча дәүләт комитетының грамоталары тапшырылды. Шулай ук аеруча тырышлык күрсәткән укучыларга "Зөя буйлары"дәүләт табигать тыюлыгыннан грамоталар тапшырылды.


30
ноябрь 2018 ел.
җомга

 2018 елның 29 ноябрендә 14: 30 сәгатьтә Татарстан Республикасының Кызыл китабына кертелгән сирәк һәм юкка чыгу куркынычы янаган хайваннар, үсемлекләр һәм гөмбәләр буенча даими гамәлдәге комиссия утырышы узды.

  Киңәйтелгән составта гөмбәләрнең сирәк төрләрен саклау темасына кагылышлы берничә мәсьәлә каралды. Татарстан Республикасы Кызыл китабыннан элек сирәк төрләрнең берсен чыгару турындагы тәкъдим белән гөмбәләр буенча әйдәп баручы белгеч К. О. Потапов чыгыш ясады.

Утырыш барышында Татарстан Республикасының Кызыл китабын үстерү буенча фикер алыштылар.

Утырыш кысаларында «Себер эрбет агачы» үсентеләрен саклау өчен аеруча саклана торган табигый территория булдыру турындагы тәкъдим каралды. Сакланыла торган үсентеләр 1992 елда Буа урман хуҗалыгында Ырынгы авыл җирлеге территориясендә Чураково авылы янында 3,0 га мәйданда үстерелә.  Хәзерге вакытта бу участок яхшы хәлдә сакланган, әмма «кара казучылардан» саклануны таләп итә. Себер эрбет агачы безнең зонада экзотик токым булып тора.

«Ашыт» дәүләт табигый комплексы заказнигы белгечләре Арча районының гомуми белем бирү мәктәпләрендә һәм мәктәпкәчә белем бирү учрежденияләрендә экологик белем бирү буенча берничә чара уздырды: Арча муниципаль районының «Арча 3 нче башлангыч гомуми белем мәктәбе – балалар бакчасы» муниципаль бюджет белем учреждениясендә «Табигать һәм без» исемле театральләштерелгән чара үткәрелде; Арча муниципаль районы «Арча 8 нче балалар бакчасы» муниципаль бюджет мәктәпкәчә белем учреждениясендә «Без табигатьне беләбез һәм яратабыз» исемле экологик викторина үткәрелде; Арча муниципаль районы «Арча 10 нчы балалар бакчасы» муниципаль бюджет мәктәпкәчә белем учреждениясендә «Без табигать балалары» һәм «Урман маҗаралары» исемле уен-векторина үткәрелде.

Үткәрелгән чараларның төп бурычлары – балаларда бөтен тереклеккә карата сакчыл мөнәсәбәт тәрбияләү. Иң мөһиме балаларга кечкенә чактан ук кешенең табигать белән үзара элемтәдә булуын һәм әйләнә-тирә мөхит торышына йогынты ясауы турынды аңлату.

Балалар бик яхшы әзерләнгәннәр, чараларда бик теләп катнаштылар һәм биремнәрне үтәүгә иҗади якын килделәр. Актив катнашучы балалар грамота һәм буләкләр белән бүләкләнделәр.


29
ноябрь 2018 ел.
пәнҗешәмбе

Республиканың Әгерҗе районы Кичкетаң авылының «Кояшкай» мәктәпкәчә белем бирү учреждениесендә тәрбияләнүчеләр тыюлык эше ветераннары белән очрашты.  Экодәрес проектын  Кичке Таң дәүләт табигать тыюлыгы администрациясе оештырды. Әлеге табигый тыюлыкта күп еллар эшләгән Әһли Фәйзуллин һәм Тәлгать Нуриев сабыйлар белән табигатьне нәтиҗәле саклау буенча киңәшләр белән уртаклаштылар.

Тыюлык белгече Әлфия Нуриманова очрашуда катнашучыларга Россиянең тыюлыклар системасы турында презентация тәкъдим итте.

Безнең Җир планетасы, олы яшьтә булуга карамастан, серләр һәм табышмаклар белән тулы. Аларның кайберләрен чишү өчен, ул виртуаль сәяхәт оештырды, анда балалар тере һәм тере булмаган табигатьнең нәрсә икәнен  белделәр. Балалар урманга сәяхәт ясадылар, анда урманда яшәүчеләр белән таныштылар. Сәяхәт ахырында балалар табигатьнең төрле күренешләре турында белделәр: томан, яңгыр, чык, сыкы, боз, салават күпере һ.б. Безнең җир-гаҗәеп планета һәм дөньяда шундый ук икенче планета юк дигән нәтиҗәгә килделәр.

Өйрәнелгән белемнәр табигать белеме характерындагы уеннар барышында ныгытылды, табышмакларга җавап бирү, «табигатьтә үз-үзеңне тоту кагыйдәләре» сюжетлы рәсемнәр карау, кош тавышларын тану һ.б.

Чараны тәмамлап, тыюлык башлыгы Руслан Маннапов балаларны котлады: “Балалар! Сез чын табигать дуслары һәм белгечләре. Мин сезне “Табигать сөючеләр клубы” на шатланып кабул итәм”.

Татарстан Республикасының атказанган экологы, Әһли Гәскәр улы Фәйзуллин оештыручыларга һәм балаларга күп уңай эмоцияләр алып килгән, күңел җылысы белән тулыландырган онытылмаслык очрашу өчен рәхмәт белдерде.

Бәйрәм тәмамланганнан соң һәр укучыга матур китаплар һәм туган табигатькә сакчыл караш турында кагыйдәләр белән белешмәлекләр тапшырылды.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования