ЯҢАЛЫКЛАР


9
октябрь 2018 ел.
сишәмбе

«Ашыт» тыюлыгы һәм ТР Биологик ресурслар буенча дәүләт комитеты белгечләре республика күләмендәге традициягә кергән «Бердәм урман утырту көне» исемле  табигатьне саклау чыгышында  актив катнаштылар. Массакүләм чара Татарстан Республикасының  Питрәч районындагы Иске Шигали авылында узды. Анда тыюлык хезмәткәрләре үзләренең яшь чыршы үсентеләре  аллеясын утырттылар.

Урманга карата сакчыл мөнәсәбәт тәрбияләү, урман ресурсларын саклау, яңадан торгызу һәм үрчетү мәсьәләләренә игътибар җәлеп итү, әлеге табигать саклау чыгышының максаты булып тора.


8
октябрь 2018 ел.
дүшәмбе

Әгерҗе районы территориясендә, «Кичке Таң»  дәүләт тыюлыгы хезмәткәрләре гомуми белем бирү оешмалары катнашында, «Агач утырт» диеп исемләнгән экологик табигать саклау чыгышын дәвам итәләр.

Бер агач утырту нинди нәтиҗә бирә? Бер  кеше күп агач утырта аламы?....

 Кичкетаң гомуми белем бирү мәктәбенең башлангыч сыйныф укучылары тыюлык белгечләреннән үсентеләр утырту барышында бу һәм башка сорауларга җавапларны алдылар. Аларга волонтерлар да бик теләп кушылдылар. Яшь агачлар Кичкетаң авылы паркы территориясендә утыртылды.  Шулай  ук агачлар утыртып, Җир Хартиясе аллеясы яңартылды һәм анда уңайлыклар булдыру буенча эшләр башкарылды.

Тыюлык  башлыгы Руслан Маннапов, үсентеләрне дөрес утырту таләпләрен үтәү буенча,  яшь табигать сакчыларына консультация бирде.  Ул балаларга үсентеләрне утырту өчен чокырчыкларны дөрес казу, үсентеләрн  ничек утырту һәм алга таба ничек карап үстерү кирәклеге турында җентекләп сөйләде. Ә балаларның һәрбер агачны зур игътибар белән карап үстерүләрендә шикләнмәскә дә була, чөнки аларның мавыгып һәм дәртләнеп эшләүләрен, җаваплылыктан дулкынланып, кечкенә ак чыршыларның тамырларын җир белән күмгәннәрен,  барысын да дөрес эшләделәр микән диеп борчылып, су сибүләрен күрү дә җитә иде.

 «Балалар, бүген сез кечкенә үсентеләргә үз кулыгыз белән тормыш бүләк иттегез, шул рәвешле аларны аңлый һәм тоя алдыгыз, кадерен белә һәм ярата башладыгыз. Сез үсеп җиткәч урманны кисмәссез, хайваннарны үтермәссез дип ышанабыз. Вакыт узар, сез үсәрсез, ә сезнең белән бергә үсентеләр дә матур агач булып җитәрләр. Киләчәктә сез, «Бу агачны мин үзем утырттым!» дип, горурлык белән әйтә алырсыз. Бүген без сезнең белән туган авылыбызның тирә-як мохитен саклауга өлеш керттек» дип, тыюлык белгече Әлфия Нуриманова укучыларга мөрәҗәгать итеп әйтте.

 


5
октябрь 2018 ел.
җомга

Бу пәнҗешәмбе көнне, Татарстан Республикасының Биологик ресурслар буенча дәүләт комитеты хезмәткәрләре Татарстанның Азнакай һәм Алексеевск районнарында урнашкан «Биләр» дәүләт табигать зоология тыюлыгында булдылар.

2017 елда тыюлыкка 14 олы гүзәл болан чыгарылды. Хезмәткәрләрнең күзәтүләре буенча, алар үзләрен яхшы хис итәләр, ел ярым эчендә гүзәл боланнарның 15 баласы туды һәм үсеп килә.

Боланнар шулай ук "Мишә" (15 баш) һәм "Урман чишмәсе" (30 баш) тыюлыкларында һәм Яшел Үзән районы территориясендә Зөя тәҗрибә хуҗалыгында ярымирекле шартларда вольерда яшиләр.

2018 елның 9 ае эчендә Татарстан Республикасының Биологик ресурслар буенча дәүләт комитеты тарафыннан,  бердәм федераль үрнәктәге  2028 аучылык билеты бирелде, ә 2011 елдан барлыгы 53088 билет бирелде.

Татарстан Республикасы халкына уңайлы булсын өчен, хәзерге вакытта, Дәүләт хезмәтләренең һәм функцияләренең бердәм порталы эшләве (https://www.gosuslugi.ru/10084/1) турында исегезгә төшерәбез. Аның махсус бүлегендә аучылык билетын бирү һәм гамәлдән чыгару турында мәгълүматны белергә, аучылык билетын бирү турында гаризаны электрон рәвештә тутырырга, ведомствога кабул итү өчен язылырга була.

gosuslugi.ru сайтыннан скриншот:


4
октябрь 2018 ел.
пәнҗешәмбе

Татарстан Республикасының Биологик ресурслар буенча дәүләт комитеты хәбәр итә: бүгенге көнгә 2018 ел өчен, һәвәскәр һәм спорт аучылыгы максаты белән, Татарстан Республикасының Дәүләт һәм муниципаль хезмәтләр порталы аша бирелгән гаризаләр буенча, аучылык байлыкларын тотуга 5329 рөхсәтнамә бирелде.

Исегезгә төшерәбез: 2018 елның 1 сентябреннән кыйммәтле мехлы хайваннарны аулауга рөхсәт алу өчен гаризаларны кабул итү бара.  Гаризалар Татарстан Республикасының дәүләт хезмәтләре Порталы аша, “Ау” бүлегендә (https://uslugi.tatarstan.ru), ә шулай ук рөхсәтнамәләр бирү пунктларында кабул ителә.


3
октябрь 2018 ел.
чәршәмбе

Хөрмәтле гражданнар, "Татарстан Республикасының Кызыл китабына кертелгән сирәк һәм юкка чыгу куркынычы яный торган төр хайваннарны, үсемлекләрне һәм гөмбәләрне исәпкә алу буенча мәгълүмат карточкасын" тутыра алуыгыз турында, Сезгә хәбәр итәбез.

Әгәр дә Сез төрен билгели алсагыз, хайванны, үсемлекне яки гөмбәне очрату карточкасын, Сез бу СЫЛТАМА буенча тутыра аласыз. Карточкада очрату датасын, урынын, төрен, баш санын һ.б. теркәргә, шулай ук  үзегезнең шәхси мәгълүматларыгызны, элемтә өчен телефон номерыгызны яки электрон почтагызны язарга кирәк.

Әгәр дә Сез хайванның, үсемлекнең яки гөмбәнең төрен билгели алмасагыз, Сез киләсе СЫЛТАМА буенча бирелгән карточканы тутыра аласыз. Бу карточкада фотографияне кушарга яки аның тулы тасвирламасын язарга, урынын һәм вакытын күрсәтергә кирәк. Һәм шулай ук элемтә өчен телефон номерыгызны яки электрон почтагызны калдырырга кирәк.

Татарстан Республикасының Биологик ресурслар буенча дәүләт комитетының биотөрлелек бүлегенә барлык мәгълүмат анализлау һәм саклау өчен тапшырыла һәм Татарстан Республикасының Кызыл китабының киләсе басмасын төзегәндә кулланылачак.


2
октябрь 2018 ел.
сишәмбе

2018 елның 1 октябрендә, Халыкара өлкәннәр көне кысаларында, Дәүләт комитеты хезмәткәрләре, ау күзәтчелеге тармагында эшләгән өлкән яшьтәге кешеләрнең өйләренә барып, азык-төлекле пакетлар тапшырдылар.

Бу якты көндә без сезгә хезмәт казанышларыгыз, куәтегез һәм ватанпәрвәрлегегез өчен рәхмәт белдерәбез. Бүгенге көндә безнең оешма горурлана торган, монда беренче тапкыр барлыкка килгәннәрнең  күбесе, сезнең тырышлылыгыз, хезмәтегез һәм талантыгыз белән дөнья күрде. Сезгә нык сәламәтлек, гаилә иминлеге, бәхет һәм озын гомер телибез.


1
октябрь 2018 ел.
дүшәмбе

“Чулпан” тыюлыгы хезмәткәрләре, Идел-Кама дәүләт табигый биосфера тыюлыгында көртлексыманнарны (суерлар, боҗырлар) исәпләүдә катнаштылар.

Исәпләү тасмалы ысул белән уздырылды, терлекләр саны һәм аларның иң күп җыелган урыннары билгеләнде. Шул рәвешле кошлар өчен оптималь шартлар билгеләнде. Алынган белем һәм күнекмәләрне безнең хезмәткәрләр региональ әһәмияттәге аеруча саклана торган табигый территорияләрдә кулланачаклар.

Шимбә көнне, Татарстан Республикасының Биологик ресурслар буенча дәүләт комитеты инспекторлары, Спас районы буенча штаттан тыш иҗтимагый инспекторлар белән берлектә, Татарстан Республикасының Спасс районнындагы Ржавец авылы янында, Идел елгасының яр буен чистарту буенча чара үткәрделәр.


28
сентябрь 2018 ел.
җомга

Бүген, Татарстан Республикасының Биологик ресурслар буенча дәүләт комитетында, Татарстан Республикасының дәүләт гражданлык хезмәткәрләренең хезмәт тәртибенә куелган таләпләрне үтәү һәм мәнфәгатьләр бәрелешен җайга салу буенча комиссия утырышы уздырылды.

Утырышта, Дәүләт комитетында Татарстан Республикасының дәүләт граждан хезмәте вазыйфасын биләүче затның чыгымнарын тикшерүне гамәлгә ашыру барышында алынган нәтиҗәләр каралды.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования