ЯҢАЛЫКЛАР


22
февраль 2018 ел.
пәнҗешәмбе

Татарстан Республикасының Биологик ресурслар буенча дәүләт комитеты хәбәр итә: Татарстан Республикасы Президентының 12.03.2013 елдан УП-303 номерлы боерыгы белән, республиканың аучылык биләмәләрендә аулау параметрлары билгеләнде. Шуның белән туры килеп, язгы чорда каурыйлы киекләрне аулау, апрельнең дүртенче шимбәсеннән алып 10 көн дәвам итә, ягъни 28 апрельдә башлана 7 майны эченә алып тәмамлана. 2018 елда билгеләнгән ау вакытын үзгәртү чамаланмый


21
февраль 2018 ел.
чәршәмбе

Көнне, район Мәдәният сарае залында ТР Әгерҗе   муниципаль районы Киңәшмәсенең XXV  утырышы узды.

Сессия эшендә ТР  Премьер-министры урынбасары Вәсил Шәйхрәзиев,ТР Дәүләт киңәшмәсе депутаты Альберт Хабибуллин, Татарстан Республикасының Министрлар Кабинетының, министрлыкларның һәм идарәләрнең җаваплы хезмәткәрләре,  иҗтимагый оешмалар вәкилләре, массакүләм мәгълүмат чаралары катнаштылар.

Мәдәният сараеның фойесында,  муниципаль районның территориясендә эшли торган, оешма эшләренең күргәзмәсе оештырылды. Анда ТР Әгерҗе районының район Киңәшмәсе депутаты  А.Г. Файзуллин башлыгында “Кичке Таң” дәүләт табигый тыюлыкның инспекторлары да катнашты.

Күпчелекнең игътибарын,  “Кичке Таң” дәүләт табигый тыюлыкның хезмәткәрләре белән оештырылган,  табигать почмагы юнәлтте. Кунаклар тыюлыкның  территориясендә үсә торган дару үләннәре белән кызыксынып таныштылар.

Катнашучыларның да, җитәкчеләрнең дә аерым игътибары, мәктәп укучыларының һәм балалар бакчасы тәрбияләнүчеләренең иҗади эшләренә  бирелде. Күргәзмәдә күрсәтелгән эшләр – Республика күләмендәге «Мин һәм Кызыл китап» исемендәге кул эше бәйгесенең сайлап алу этабы җиңүчеләренең эшләре иде. Вәсил Шәйхрәзиев балаларның эшләре белән танышты һәм тыюлыкның эшчәнлеген, ә шулай ук А.Г.Файзуллинның районның Кызыл китабын бастыру турындагы тәкъдимен хуплады.

 

Татарстан Республикасының Биологик ресурслар буенча дәүләт комитеты хезмәткәрләре җәмәгатьчелек белән бергә, Казан шәһәренең Авиатөзелеш районында  кыргый кошларны хокуксыз тоту очрагын ачыклады.  Гаепле зат  административ җаваплылыкка тарттырылды.


20
февраль 2018 ел.
сишәмбе

Көчле карлар явып киткәннән соң, кыргый хайваннарга  азык табуы  кыенлашты.Шуның белән бәйле рәвештә, «Балтач»  дәүләт тәбигый тыюлыгы инспекторлары белән, “Арча урманчылыгы”ның Балтач бүлемтекле урманчылыкның 80 нче кварталындагы  тыюлык территориясендә кыргый кабаннарны  өстәмә ашату уздырылды.

Бу биотехник чараны уздыру өчен “Тукай исемендәге ҖЧҖ” авыл хуҗалыгы оешмасы белән 370 кг терлек азыгы бирелде.


19
февраль 2018 ел.
дүшәмбе

Татарстан Республикасының Биологик ресурслар буенча дәүләт комитеты хезмәткәрләре белән, Апас районы территориясендә, Чуваш республикасы яшәүчеләренең җиде баш кабанны хокуксыз тоту очрагы ачыкланды.  Апас районы буенча Россия Эчке эшләр министрлыгы бүлегенең полиция хезмәткәрләре белән,җинаять эше ачу турында сорау хәл ителә.


16
февраль 2018 ел.
җомга

Республика күләмендәге «Мин һәм Кызыл китап» исемендәге кул эше бәйгесенең сайлап алу этабы тәмамланды.

Республика күләмендәге «Мин һәм Кызыл китап» исемендәге балалар иҗади кул эше бәйгесе  истә калырлык һәм бик күңелле узды. Гомум белем бирү оешмаларында, мәктәпкәчә һәм башка оешмаларда биотөрлелекне һәм сирәк төрләрне саклау темасына дәресләр, уеннар, викториналар узды.


15
февраль 2018 ел.
пәнҗешәмбе

Татарстан Республикасының Биологик ресурслар буенча дәүләт комитетында, Татарстан Республикасының дәүләт гражданлык хезмәтендәге буш урындагы биотөрлелек бүлеге башлыгы һәм мониторинг (күзәтү) бүлеге башлыгы вазифасындагы буш урынны алмаштыруга бәйге узды.

Дәүләт думасы килештерү комиссиясе басмасында ау этләрен өйрәтү турында канун кабул итте!

Россия Федерациясенең Дәүләт думасы, 14.02.2018 елны, чәршәмбе көнне узган утырышта,  килештерү комиссиясе басмасында ау этләрен ирексез хайваннар ярдәмендә контактлы өйрәтү турында канун кабул итте.

Дәүләт думасы һәм Федерация Киңәшмәсе белән килештергән үзгәрешләр, аучылык биләмәләрендә генә һәм  хайваннарга карата рәхимсез чаралар кулланмыйча һәм аларга физик зыян тидермичә генә, ау этләрен әзерләү һәм  күнектерү рөхсәт ителүен билгелиләр.

Шул ук вакытта, этләрне ирексезлектә яшәүче хайваннар ярдәмендә өйрәтү, киртәләр кулланып кына тормышка ашырылырга мөмкин. Андый киртәләр хайванга физик зыян тидерүдән сакларга тиеш. Ярым ирекле шартларда һәм ясалма мохиттә аучылык ресурсларын тоту һәм үрчетү тәртибен,шул санда аучылык инфраструктурасы объектларын кулланып, аучылык ресурсларын тоту һәм үрчетү тәртибен махсус вәкаләтле  федераль хакимият әгъзасы раслаячак.

Документтан ау кошларын күнектерүне регламентлаштыра торган нормалар алып ташланды.

Ау этләрен контакт юлы белән  өйрәтүне тыючы канун проекты узган елның декабрь аенда кабул ителде, ләкин Федерация Киңәшмәсе белән кире кагылды.  Шуннан соң, Дәүләт думасы депутатларыннан һәм Федерация Киңәшмәсе әгъзаларыннан торган махсус килештерү комиссиясе оештырылды. Шул комиссия канун проектының яңа текстын әзерләде.

Хәзер Дәүләт думасы белән кабул ителгән документның яңа басмасы Федерация Киңәшмәсе тикшерүенә юнәлтеләчәк. Аның белән http://www.duma.gov.ru/systems/law/?number=333436-7&sort=date ссылка буенча танышырга була.


14
февраль 2018 ел.
чәршәмбе

Явыз Иоанн   патшалык иткәндә,   ау вакытында, патшаның яраткан шоңкары очып китү турында, риваять яшәп килә. Патша лачынчы Трифон Патрикеевка очып киткән кошны табарга кушкан. лачынчы Трифон якындагы  урманнарны  уратып чыккан, ләкин уңышсыз. Өченче көнне, озак  эзләүләр белән интегеп бетеп,ул Мәскәү астында, хәзер Мәрьям агачлыгы дигән урында  туктаган, һәм  үзенең изгесе- җәфа чигүче Трифонга догалар укып, аннан булышлык сорап, хәлсезләнеп  ял итәргә яткан. Төшендә ул  ак атта утырган егетне күргән.  Егет кулында патшаның шоңкарын тоткан һәм әйткән: “ Югалган кошны ал, һәм ,Алла булышлыгы белән, патшага бар һәм бер нәрсә турында да кайгыртма”. Уянып киткәч, лачынчы  чынлап та, ерак түгел генә, наратта утырган шоңкарны күргән. Ул аны шунда ук патшага алып килгән һәм изге җәфа чигүче Трифонның могҗизалы булышлыгы турында сөйлгән. Берникадәр вакыт үткәч, изгенең килгән урынында, лачынчы Трифон Патрикеев изге җәфа чигүче Трифонга атап кәшәнә, ә аннары чиркәү дә төзегән. Шул вакыттан, Россиядә, Изге Трифонны иконаларда, кулында лачын тотып сүрәткә төшерергә кабул ителгән һәм аны аучылар һәм балыкчылар яклаучысы дип атаганнар.

Бәйрәм белән хөрмәтле аучылар һәм балыкчылар.


13
февраль 2018 ел.
сишәмбе

2018 елның 10 февралендә  республикабызның башкаласында “Россия чаңгысы-2018” XXXVI ачык Бөтенроссия массакүләм чаңгы ярышлары  узды. Казанда “Россия чаңгысы”н уздыру ның төп урыны  Юдино мәйданчыгының  “Локомотив” стадионында булды.

Татарстан Республикасының Биологик ресурслар буенча дәүләт комитеты хезмәткәрләре чаңгы шуу спортын яратучылар белән бергә  ярышларда катнаштылар.


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования