ЯҢАЛЫКЛАР


15
май 2018 ел.
сишәмбе

ТР Биологик ресурслар буенча дәүләт комитеты хезмәткәрләре “Татарстанның чиста урманнары”  табигать саклау акциясендә һәм санитария-экология икеайлыкта катнаштылар.

Узган ялларда ТР Биологик ресурслар буенча дәүләт комитеты хезмәткәрләре  ДКО “Шәһәр яны урманчылыгы”ның Столбище бүлемтекле урманчылык фондының урман территориясендә узган “Татарстанның чиста урманнары”  табигать саклау акциясендә актив катнаштылар.

Ә санитария-экология икеайлык чикләрендә, Әгерҗе муниципаль район территорияләрен чүптән чистарту буенча чара уздырылды. Аның барышында, үзләре артыннан чүп калдырмау үтенече, дистәләгән балыкчыга һәм аучыга җиткерелде.


11
май 2018 ел.
җомга

Татарстан Республикасының Куйбышев һәм Түбән Кама сусаклагычларында, су биологик ресурсларын саклау һәм үрчетү һәм уылдык чәчүне уңайлы уздыру максаты белән, “Балык – Булсын!” исеме астында ясалма уылдык чәчү урынын ясау һәм урнаштыру буенча акция узачак.

Чара 11 майдан алып 20 майга кадәр, Татарстан Республикасының тугыз муниципаль оешмасында уздырылачак (Актаныш, Яшел Үзән, Кама Тамагы, Лаеш, Мамадыш, Минзәлә, Балык Бистәсе, Спасс, Тукай).

2018 елда акцияне Татарстан Республикасының  сәнәгый балык тоту оешмалары, Татарстан Республикасының  Урман хуҗалыгы министрлыгы, Татарстан Республикасы буенча  Россия Эчке эшләр министрлыгының Төп идарәсе, Татарстан Республикасы Муниципаль оешмаларның Башкарма комитетлары, район белем бирү оешмалары булышуында, Татарстан Республикасының Биологик ресурслар буенча дәүләт комитеты оештыра.

 

Акциядә региональ  әһәмияттәге Дәүләт табигый тыюлык хезмәткәрләре, ДБО “Хайваннар дөньясын саклау өлкәсендә яңа технологияләр кертү үзәге” хезмәткәрләре, Казан энергетика университетының “Су биоресурслары һәм аквакультура” кафедрасы студентлары,  ҖЧҖ «Биосфера – ФИШ», районның белем бирү оешмалары укучылары, иҗтимагый оешмалар, һәвәскәр балыкчылар катнашачаклар.

Барлык теләүчеләрне Акциядә катнашырга чакырабыз.

Тулырак мәгълүматны Сез су биологик ресурслар бүлеге телефоны 211 66 94 буенча ала аласыз.

 

 


8
май 2018 ел.
сишәмбе

Бүген, 1941-1945 еллардагы Бөек Ватан сугышында Җиңүнең 73-еллыгы алдыннан, Татарстан Республикасының Биологик ресурслар буенча дәүләт комитеты хезмәткәрләре өлкәнең сугыш ветераннарын һәм тыл эшчеләрен шәхсән өйләренә барып котладылар.

Татарстан Республикасының Биологик ресурслар буенча дәүләт комитеты Бөек Ватан сугышы ветераннарына  һәм тыл эшчеләренә тыныч  тормыш өчен, балаларның көләч йөзләре өчен, без, сугыштан соң туган буын, Бөек Ватан сугышының нәрсә икәнен белмәвебез өчен рәхмәт  белдерә һәм түбән баш ия. Сезгә саулык-сәламәтлек, күңел җылысы, иминлек һәм озын гомер телибез.

 

 Татарстан Республикасының Биологик ресурслар буенча дәүләт комитетында,  Татарстан Республикасының Кызыл китабына кертелгән һәм югалу куркынычы яный торган һәм сирәк төр хайваннар, үсемлекләр һәм гөмбәләр буенча даими рәвештә эшли торган комиссия утырышы узды.  Флора һәм фаунаның берничә төрнең сирәклек  дәрәҗәсе буенча  карарлар кабул ителде.

Комиссия карары белән  кошларның бер төре Дубровник (солы песнәгенең бер төре) (Emberiza aureola), Халыкара табигать саклау берләшмәсе исемлегенә кертү  һәм республикада аның саны кимү сәбәпле, ТР Кызыл китабына кертелде.


7
май 2018 ел.
дүшәмбе

Татарстан Республикасының Биологик ресурслар буенча дәүләт комитеты хезмәткәрләре, республика күләмендә уза торган "Урман утырту көне” исемендәге табигать саклау акциясендә катнаштылар. Бүген бу акция , урманнарны торгызу фикеренә ваемсыз калмаган, республиканың 30 мең яшәүчесен берләштерде. Кешеләр агачлар утыртырга урманнарга, урман-паркларга һәм аллеяларга, яшәү территорияләренә чыктылар. Бу акциянең максаты булып, республикада урман ресурсларын тагын да күбәйтү һәм гражданнарда урманга карата сакчыл мөнәсәбәт тәрбияләү,  аны саклау мәсьәләсенә җәмгыятьнең игътибарын яллау, экологик ситуацияне һәм кеше яшәү тирәлеген яхшырту тора.


4
май 2018 ел.
җомга

“Зөя буйлары” дәүләт тәбигый тыюлык белгечләре белән, Буа шәһәренең 5нче гимназиясендә, хайваннар дөньясын саклау буенча “ Табигатьне саклагыз” темасына лекция уздырылды. Дәрестә 28 укучы, ә шулай ук гимназия укытучылары катнашты. Укучылар районда һәм “Зөя буйлары” тыюлыгы территориясендә уздырыла торган табигать саклау чаралары белән таныштырылдылар. Татарстан Республикасының Буа районы территориясендә табигый ресурсларны белү буенча викторина уздырылды. Дәрес ахырында укучылар  “ Парклар маршы-2018” Халыкара акция планнары белән таныштырылдылар.

“Балтач” дәүләт тәбигый тыюлык белгечләре  “Мәктәптән тыш эш үзәге”методисты   Бариева Р.Р. белән берлектә, ТР Балтач районының “Салаусь балалар бакчасында” “Экояз” акциясенә багышланган экология дәресе уздырдылар. Чарада 32  якын тәрбияләнүче  һәм тәрбияче катнашты. Бәйрәм ахырында  тыюлык белгечләре белән, балалар бакчасына утырту өчен, үсентеләр бирелде.

 

 

 

Татарстанда ау чоры ачылган көнне, корал белән абайламыйча куллану сәбәпле, бер кеше һәлак булды,өчесе яраландылар.

 “Ату коралы белән абайламыйча куллану сәбәпле, республиканың берничә районында  фаҗигале сәбәпләргә китерде. 28 апрельдә, ау чоры ачылган көнне генә, дүрт очрак теркәлде, берсе-үлем белән тәмамланды.”

Балык Бистәсендә шимбә иртә белән  Гремячка авылы янындагы урманчыкта Биектау авылының 34 яшьлек яшәүчесе, дуамаллык аркасында ике көпшәле ау мылтыгыннан, 37 яшьлек авылдашына  атып җибәрде. Ул шул җирдә ук үлде.

Шул ук көнне  Смысловка авылы янындагы басуда, Түбән Каманың 43 яшьлек яшәүчесе ике көпшәле ау мылтыгыннан үзенең 40 яшьлек танышына  ялгыш  атып җибәрде. Ул уң як арт санына вак пуля белән яраланып хастаханәгә эләкте.

Баулы һәм Кама Тамагы районнарында, коралны саксызлык белән куллану аркасында, аучылар шулай ук яраландылар.

Татарстан Республикасының Биологик ресурслар буенча дәүләт комитеты, ату коралы белән кулланганда хәвефсезлек чараларын һәм ау кагыйдәләрен тайпылышсыз тоту турында исегезгә төшерә.

Татарстан Республикасыныңэ аучылык биләмәләре территориясендә рейд чаралары барышында, Дәүләт комитеты хезмәткәрләре белән, ау кагыйдәләрен бозган өчен, административ җаваплылыкка кырыктан артык зат тартылды.

 

 


3
май 2018 ел.
пәнҗешәмбе

Бөек Ватан сугышында  Җиңүнең 73 еллыгын бәйрәм итү чикләрендә, т Татарстан Республикасының Биологик ресурслар буенча дәүләт комитетында Бөек Ватан сугышы ветераннары һәм тыл хезмәткәрләре өчен “Кайнар телефон”  эшли.

Бу өлкәгә кагылышлы сорауларыгыз буенча Сезне  эш көннәрендә (843)211 73 81 телефоны буенча мөрәҗәгать итүегезне сорыйбыз.

 


28
апрель 2018 ел.
шимбә

27.04.2018 елны   «Татар-информ»да, Татарстан Республикасының Биологик ресурслар буенча дәүләт комитеты вәкилләре –Хайваннар,  үсемлекләр дөньясы  һәм аерым саклана торган тәбигый территорияләр өлкәсендә дәүләт  идарәсе башлыгы Р.М. Мутахаров һәм  Хайваннар  дөньясын күзәтү бүлеге башлыгы  И.Р. Валеева, ТР буенча РФ ЭЭМ Росгвардия хезмәткәрләре катнашында, 2018 елда язгы ау чорын ачуга багышланган брифинг узды. Брифингта ау вакытына һәм объектларына, хайваннар дөньясы объектларын тоту чараларына һәм коралларына кагылышлы сораулар яктыртылды.

“Язгы ау чоры вакыты ТР Президентының боерыгы белән, апрельнең  дүртенче шимбәсеннән алып ун календарь көн дәвамында билгеләнде. Шул ук боерык белән, язгы чорда ауларга мөмкин булган хайваннарның төре билгеләнде. Ул су йөзүче һәм урман киекләре”- дип, билгеләп китте Ильфат Валеев. 

Язгы чорда су йөзүче киекләрдән ата үрдәкне һәм казны ауларга мөмкин булачак. Шул ук вакытта ышык урыннан аулау гына рөхсәт ителә, күрсәтелгән төрләрне якынаю юлы белән аулау тыела.

Урман киекләреннән көртлеккә һә тәләттәвечкә ау рөхсәт ителә. Тәләттәвечне кичке очыш вакытында гына ауларга мөмкин.Көртлекне аулау „Забава“, „Пестречинское“, „Караишевское“, „Никольское“, „Бугульминское“, „Поповское“, „Юкә“ аучылык хуҗалыкларында һәм Баулы һәм Бөгелмә районнарының ачык аучылык биләмәләрендә гена рөхсәт ителә.

Татарстанда соры казны һәм суерны тотуга чикләүләр дәвам итә. Быел суерны аулау, бу төрнең түбән тыгызлыгы аркасында тыелды. Шулай ук һәрбер аучының үзе белән аучылык билеты, аучылык ресурсларын табуга рөхсәтнамә һәм  коралга рөхсәтнамә булырга тиешлеген хәтерләргә кирәк.

2018 елның язгы ау чорын ачу турында тулырак мәгълүматны ссылка http://ojm.tatarstan.ru/rus/index.htm/news/1186185.htm буенча үтеп укый аласыз.


27
апрель 2018 ел.
җомга

Хөрмәтле аучылар!

2018 елның язгы ау чоры ачылу белән бәйле рәвештә, ТР Биологик ресурслар буенча дәүләт комитеты, язгы ау чорында Ау кагыйдәләре белән, аулау ысулына,коралына һәм вакытына кагыла торган  күп кенә чикләүләр кертелү турында исегезгә төшерә. Татарстан Республикасы территориясендә кертелгән чикләү характерлы нормалары белән тәңгәл килеп, төп кагыйдәләрне тәкъдим итәбез.

Язгы ау чоры ачылу – апрельнең 4нче шимбәсеннән алып 10 календарь көн дәвамында (28.04-07.05.2018 ел) – 12.04.2013 елдан  УП-303 номерлы Татарстан Республикасы Президенты Боерыгы.

Ау тыела(12.04.2013 елдан  УП-303 номерлы Татарстан Республикасы Президенты Боерыгы):

Көртлекләргә «Забава», «Пестречинское», «Караишевское», «Никольское», «Бугульминское», «Поповское», «Юкә» аучылык биләмәләренншн кала, барлык аучылык биләмәләрендәһәм Баулы һәм Бөгелмә районнарының ачык аучылык биләмәләрендә;

Суерларга- республиканың барлык биләмәләрендә.

Соры каз- Татарстан Республикасының Кызыл китабы

 

 Ау объектлары:

Казлар

Ата үрдәкләр

Тәлләтәвеч

Көртлек (күрсәтелгән аучылык хуҗалыкларында)

Соры карга

 Аулаганда аучының үзе белән түбәндәге документлары булырга тиеш:

а) аучылык билеты;

б) аучылык коралы һәм ( яки) пневматик корал белән аулаган чакта, аучылык коралын саклауга һәм йөртүгә рөхсәтнамә;

в) һәркемгә керергә рөхсәт ителгән аучылык җир – суларда аулаган чакта, аучылык байлыкларын табуга, урнаштырылган тәртиптә бирелгән рөхсәтнамә;

г) беркетелгән аучылык җир – суларда аулаган чакта, аучылык байлыкларын табуга, урнаштырылган тәртиптә бирелгән рөхсәтнамә һәм юлнамә;

Ау, аучылык ресурсларын тоту рөхсәтнамәсендә күрсәтелгән,аучылык ресурсларын тоту нормасы чикләрендә алып барыла (Татарстан Республикасы Министрлар Кабинетының 24.12.2010 елдан 1119 номерлы боерыгы). Татарстан Республикасы территориясендә язгы ау чорында 1 ау көне эчендә  киләсе нормалар урнаштырылды:

каз – 2 баш;

ата үрдәк – 3 баш;

Тәлләтәвеч – 3 баш.

 Иминлекне булдыру өчен аулаганда түбәндәгеләр тыела:

 - ату яки пневматик корал кулланып аулаганда, торак йортлардан иң киме 200 метрга китәргә;

- “тавышка”, “ кыштыртауга”, күренми торган объектка атмаска;

- электр чыбыгында яки баганасында утыручы каурыйлы кошларга атмаска;

- атучылар сызыгы буйлап атмаска; (туп ядрәсе күрше атучыдан 15 метрдан ким үтү ихтималы булганда);

- информацион билгеләр, юл билгеләре, реклама калканнары буенча, тора торган яки тормый торган биналарга атмаска.

Ау хайваннарын тотканда һәм( яки) атканда:  

-   ярдəмгə мохтаҗ, бәләле хәлдәге булган хайваннарны тоту;

- тоткан каурыйлыларны  җыю очрагыннан кала, каурыйлы киекләрне куып тоту, табу яки тоту өчен йөзү чараларын куллану.

·  ыргаклар  куллану;

·   каурыйлы киекләрне тотканда барлык үзтоткочларны куллану ;               

- йоклата, агулый һәм хәрәкәтсез калдыра торган әйберләр куллану;

- шартлаткыч, тиз кабына торган сыекчалар, газлар, электр тогы куллану;

 -  төрле ут чараларын куллану;

-  хайваннарга охшатып, тавыш чыгара торган электрон корылмалар куллану;

- транспорт һәм төрле очу чараларын куллану;

- ау хайваннарын җәлеп итү өчен, яралы хайваннарны алдавыч җим итеп куллану тыела.

Аулаганда түбәндәгеләр тыела:

-аучылык җир-суларында транспорт чараларында, очу аппаратларында, ә шулай ук  кабызылган моторлы йөзү чараларында, шул санда моторны сүндергәч, сүлпəнлек буенча баручы чаралар эчендә ( өстендә), тышлыктан чыгарылган, магазинында патроннары булган яки корып куелган ату( пневматик) корал белән булу;

- сырлы озын көпшәле  ату коралы һәм  сырлы көпшәле катнаш ату кораллары куллану;

- 5 миллиметрдан зурырак булган вакланма яки пуля белән тутырылган, шома көпшәле ату коралы куллану;

-пневматик ау коралын куллану.

 Ау тыела:

  • иртәнге очыш вакытында тәләттәвечкә;
  • якынаю юлы белән;
  • яраланган каурыйлы киекләрне табу һәм китереп бирү өчен кулланыла торган, мылтык асты этләреннән кала,ау токымы этләре, ау кошлары ярдәмендә.
  • ана кошларга: үрдәкләргә,көртлекләргә;

- боҗырларга, су тавыгына, камыш тавыгына, соры казларга.

Казларга ау тыела:

- елгаларда, күлләрдә һәм сусаклагычларда, ә шулай ук елга, күл һәм сусаклагыч утрауларында ;

-Идел, Кама, Нократ, Ак елгаларның һәм алар белән оешкан сусаклагычларның су кисүеннән, шул санда аларның язгы ташуын истә тотып, 200 метрдан ким ераклыкта;

 Россия Федерациясенең Кызыл китабына һәм (яки) Россия Федерациясе субъектларының Кызыл китапларына кертелгән  имезүчеләрне һәм кошларны тоту тыела.

Аучылык ресурсларын саклау максаты белән аулаганда тыела:

  • хайваннарның бала чыгара торган яшерен урыннарын ( оя, өн һ.б.) бетерү;
  • үсемлекләрне яндыру.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования