ЯҢАЛЫКЛАР


22
август 2018 ел.
чәршәмбе

             «Кичке таң» дәүләт табигать тыюлыгы Администрациясе инициативасы буенча, «Чиста яр буе» акциясе кысаларында,  Иж елгасы ярын -ТР Әгерҗе районының табигать һәйкәлләренең берсе - массакүләм җыештыру оештырылды. Акциядә Кичкетаң авыл җирлегенең бюджет өлкәсендә эшләүчеләр һәм тыюлык белгечләре катнаштылар. Иж елгасы –  җәй көне иң массакүләм ял урыны.

                Өмәдә катнашучылар чүп-чарны капчыкларга төяп, машиналарда алып киттеләр. Нәтиҗәдә хезмәт десанты көче белән якынча 6 километр яр буе линиясе тәртипкә китерелде. Мондый өмәләр әле дәвам итәчәк.

               Табигый  тыюлык хезмәткәре Әлфия Нуриманова җирле радио буенча сулыклар, елгалар, күлләр пычрануга каршы чаралар турында аңлату әңгәмәсе үткәрде һәм  барлык битараф булмаган район халкын яр буе зоналарын чистартуда актив катнашырга чакырды.

               Татарстан Республикасының  Биологик ресурслар буенча дәүләт комитеты  хәбәр итә: Россия Табигать министрлыгы фәнни максат белән, 2018 елның җәйге-көзге ау чорында табылган су йөзүче  һәм сазлык-болын (каз, үрдәк, кашкабаш, камыш үрдәге, пастушоклар, погонышлар, куликлар) киекләренә фотоматериаллар җыя.

              Шуның белән бәйле рәвештә, барлык теләүчеләр табылган су йөзүче  һәм сазлык-болын киекләренең фотоларын Комитетның электрон адресына Roza.Minnеgulova@tatar.ru 30.11.2018 елга кадәр җибәрә ала.

             Фотографиягә төшерү буенча киңәшләр:


20
август 2018 ел.
дүшәмбе

           Дәүләт комитеты тарафыннан дәүләт табигый тыюлыклар территориясендә аншлаглар кую буенча эш дәвам итә.

          17 августта Лаеш районында ике участокта - « Мишә уылдык чәчү урыны » һәм «Атабай борылышы уылдык чәчү урыны » мәгълүмати аншлаглар урнаштырылды.

           Исегезгә төшерәбез, әлеге участокларда файдалы казылмалар чыгару һәм тикшерү буенча  һәртөрле эшчәнлек тыела, шулай ук сәнәгый балыкчылык тыела.

            Узган ялларда, ТР Биоресурслар буенча дәүләт комитеты хезмәткәрләре белән, Спасс районы буенча  гадәттән тыш хәлләр министрлыгының кече үлчәмле суднолар буенча Дәүләт инспекциясе хезмәткәрләре белән берлектә,  республиканың Спасс районы территориясендә Идел елгасында рейд үткәрелде.

           Рейд барышында, ТР Биоресурслар буенча дәүләт комитеты хезмәткәрләре белән, административ хокук бозу турында 5 беркетмә төзелде һәм 7 ташландык тоту коралы тартып алынды.


17
август 2018 ел.
җомга

          Балтач районында, үсеп килүче буын өчен, экология дәресләре дәвам итә .Бу көннәрдә “Балтач” комплекслы әһәмияттәге дәүләт табигый тыюлык белгечләре белән,”Романтик” балалар саулык лагерендә һәм Янгыл балалар бакчасында дәресләр уздырылды.Чараларда 66 бала катнашты. Дәресләрдә тәрбияләнүчеләр Татарстан Республикасының Кызыл китабы белән таныштылар, табигатьтә үз үзеңне тоту нигезләренә өйрәнделәр, “Балтач” дәүләт табигый тыюлыгы турында күбрәк белделәр.


16
август 2018 ел.
пәнҗешәмбе

Бүген, 16 августта, Татарстан Республикасының  Биологик ресурслар буенча дәүләт комитетында, ачык аучылык җир-суларында аулый торган физик затлар арасында, кыргый тояклы хайваннарны тоту хокукына  рөхсәтнамәләрне,  җирәбә салу ысулы белән, бүлделәр.

Җирәбә салуда 4067 гариза катнашты.

Нәтиҗәләр белән астарак таныша аласыз:

Татарстан Республикасының Биологик  ресурслар буенча дәүләт комитеты хәбәр итә: Татарстан Республикасы Президентының  26.07.2018 елдан  ПУ-541 номерлы боерыгы белән,  аерым саклана торган федераль әһәмияттәге табигый территорияләрдән кала (Татарстан Республикасы Президентының 12.04. 2013 елдан УП-303 номерлы боерыгы),  Татарстан Республикасы территориясендәге аучылык биләмәләрендә аулау  параметрларына үзгәрешләр кертелде.

2018 елның каурыйлы киекләргә җәйге-көзге ау чоры, сентябрьнең беренче шимбәсеннән сәгать 17.00 башланачак (01.09.2018 ел).  Җәйге-көзге ау чоры башыннан алып, беренче һәм икенче сишәмбе, чәршәмбе һәм пәнҗешәмбе тынгылык көннәре булып билгеләнде.

Боерыкның тексты белән Комитетның рәсми сайтында  «Норматив-хокукый актлар» бүлегендәге «Документлар» бүлекчәсендә танышырга мөмкин.


15
август 2018 ел.
чәршәмбе

              Татарстан Республикасының  Биологик ресурслар буенча дәүләт комитеты хезмәткәрләре белән,Яшел Үзән районында Мизиново авылы янындагы  Зөя елгасы култыгында «Зөя» дәүләт табигый тыюлыгы территориясендә уздырылган рейд чаралары барышында,  резин көймәдән файдаланып, су биологик ресурсларын тыелган тоту коралы белән тоткан Марий Эл Республикасы кешесе тоткарланды. Хәзерге вакытта җинаять эше кузгату турында мәсьәлә хәл ителә.


14
август 2018 ел.
сишәмбе

           13 августта  ТР Түбән Кама шәһәр суды карары белән, Чистай районының  2 яшәүчесе,   Кызыл Яр авылы райондагы Шешмә елгасы сулык мәйданында 72 данә санында су биологик ресурсларын хокуксыз  тоту өчен, 2 ел сынау срогы белән, шартлы рәвештә 2 ел ирегеннән мәхрүм итү,  «TOHATSU I8»  моторлы көймәне һәм УАЗ автомашинасын тартып алу рәвешендә җинаять җаваплылыгына тартылды.

           Татарстан Республикасының  Биологик ресурслар буенча дәүләт комитеты (алга таба – Комитет), 16 августта 14 сәгатьтә Комитет бинасында (к. Тинчурин урамы, 29) узачак, җирәбә салуда катнашу өчен бирелгән гаризаларны эшкәртүен тәмамлады.

           Җирәбә салуда катнашу өчен Комитетка 4565 гариза бирелде, алардан 4067 кабул ителде. Җирәбә салуда катнашу өчен 498 гариза кабул ителмәде.

          Кабул ителгән һәм кабул ителмәгән  гаризалар исемлеге белән Комитетның сайтында Эшчәнлек бүлегендә>2018 елда Җирәбә салу буенча мәгълүмат өстәмә битендә таныша аласыз.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования