ЯҢАЛЫКЛАР


23
май 2018 ел.
чәршәмбе

 

Бөтен Россия күләмендә тәләттәвечне санау

Татарстан Республикасының Биологик ресурслар буенча дәүләт  комитеты хәбәр итә: 2018 елның 26 май көнендә Россия Федерациясенең бөтен территориясендә, шул санда Татарстан Республикасы территориясендә дә Бөтен Россия күләмендә тәләттәвечне хисаплау узачак.

Хисаплау  сәгать 20.00 алып сәгать 22.00 кадәр узачак. Барлык теләүчеләр,  аучылык биләмәләренә чыгып, бу чараны уздыруда катнаша алалар. Хисаплаудан соң,  15 июньгә кадәр хисаплау карточкасын тутырып,  хисаплау мәгълүматларын алга таба эшкәртү өчен, Комитетка җибәрергә кирәк.

Хисаплауны уздыру методикасы белән безнең сайтта “Хайваннар дөньясын кулланучылар өчен мәгълүмат” >”Кыргый хайваннарны  хисаплау методикасы” бүлегендә танышырга була. Хисаплау карточкасын Дәүләт комитетында алырга яки  үзлегеңнән принтер аша чыгарырга була. Ул карточчка тәләттәвечне хисаплау методикасына кушымта итеп бирелгән.

 

 


22
май 2018 ел.
сишәмбе

                                                                                                       «Бергә ришвәтчелеккә  каршы бәйгесе

Россия Федерациясенең төп прокуратурасы «Бергә ришвәтчелеккә каршы!» темасына ришвәтчелеккә каршы иҗтимагый реклама буенча Дәүләтара яшьләр бәйгесен оештыручы булып килә.

Бәйге, халыкара файдалы хезмәттәшлек булдыру һәм  бу тискәре иҗтимагый хәл белән көрәш өлкәсендә бергә нәтиҗәле чаралар кабул итү өчен оештырылган, ришвәтчелеккә каршы тору буенча Дәүләтара киңәшмә эшчәнлеге чикләрендә уздырыла.

Ришвәтчелеккә  каршы тору буенча Дәүләтара киңәшмәне булдыру турында килешү 2013 елның 25 октябрендә  алты дәүләт-Әрмәнстан, Беларусь, Казахстан, Кыргызстан, Россия һәм Таджикистан белән беркетелде.

Әрмәнстаннан, Беларусиядән, Казахстаннан, Кыргызстаннан, Россиядән һәм Таджикистаннан 14 яшьтән алып 35 яшькә кадәрге бәйгедә катнашучыларга,    плакатлар  һәм видеороликлар рәвешендә «Бергә ришвәтчелеккә каршы!» темасына ришвәтчелеккә каршы иҗтимагый реклама әзерләргә тәкъдим ителә.

Бәйге эшләрендә, җәмгыять тормышының барлык дәрәҗәләрендә һәм барлык өлкәләрендә ришвәтчелеккә  каршы тору буенча, дәүләт көрәшүенең заманча дәүләт җайланмалары, ә шулай ук бу юнәлештә халыкара хезмәттәшлекнең роле һәм әһәмияте чагылу табар дип көтелә.

Бәйгедә җиңүчеләрне тантаналы бүләкләү йоласы,  Ришвәтчелек белән көрәшү көненә (9 декабрь) туры китереп уздырырга планлаштырыла.


21
май 2018 ел.
дүшәмбе

Халыкара биотөрлелек  көне (International Day for Biological Diversity) 2001 елдан башлап, ел саен 22 май көнендә билгеләнә.  Бу Халыкара көн  1995 елда, БМОның Төп Ассамблеясе белән, 1994 елда узган, биологик төрлелек турында Конвенция якларының Конференция рекомендацияләре нигезендә игълан ителде.

"Биологик төрлелек" барлык чыганаклардан тере организмнарның төрлелеген белдерә. Үз эченә үзләре аларның өлеше булып килә торган, җир өсте, диңгез һәм башка су экосистемаларны һәм экологик комплексларны кертә; бу төшенчә төр эчендәге, төрләр арасындагы төрлелекне һәм экосистеманың төрлелеген үз эченә ала.

Биологик төрлелек турындагы Конвенция- 1992 елның 5 июнендә  Рио-де-Жанейрода кабул ителгән халыкара килешү. Конвенциянең максатлары:биологик төрлелекне саклау, аның компонентларын тотрыклы куллану һәм генетик ресурсларга кирәкле рөхсәт бирү юлы белән, андый ресурсларга булган барлык хокукларны истә тотып туры килүче технологияләрне тапшыру, ә шулай ук  тиешле финанслау юлы белән, генетик ресурсларны куллануга бәйле, бергә тигез нигездә файда алу.

Конвенция Яклар белән беркетелү өчен 1992 елның 5 июлендә ачылды һәм 1993 елның 29 декабрендә көчкә керде. 1995 елны Россия Федерациясе ,үз өстенә бер рәт бурычлар алып, биологик төрлелек буенча Конвенцияне раслады.


18
май 2018 ел.
җомга

Татарстан Республикасының Биологик ресурслар  буенча дәүләт комитеты республика халкын  тыелган тоту кораллары белән  балык тотарга ярамаулыгы турында  тагын бер тапкыр искәртә.

2018 елның 17 май көнендә Дәүләт комитеты хезмәткәрләре белән, планлаштырылган чаралар барышында, Лаеш районында Кама елгасында , хокуксыз рәвештә тыелган тоту кораллары белән  су биологик ресурсларын  тоткан, гражданнар төркеме тоткарланды. Материаллар  процессуаль карар  чыгару өчен Эчке эшләр бүлегенә юнәлтелде.

 


17
май 2018 ел.
пәнҗешәмбе

Кабан күлендә Ысылдавык аккош 

Биологик ресурслар буенча дәүләт комитеты, Ысылдавык аккошны саклау максаты белән, Кабан күлендә бу төргә мониторинг алып бара. Хәзерге вакытта, үрдәкләр семьялыгының иң зур төре, Кабан күлендә, күкәй өстендә утыра һәм аларның саклыгын тәэмин итә.

Билгеләп китәргә кирәк, аларның Кабан күленнән китмәү сәбәбенең берсе, монда туры килә торган яшәү шартлары булу.

Ысылдавык аккошның уйнау вакыты иртә яздан башлана һәм инкубация вакыты  якынча 35-38 көн дәвам итә.  Казан шәһәре гражданнарын, күл янында этләр белән йөрмәскә һәм аккошларны  куркытмаска өндибез. Әгәр дә алар кеше яки хайван гадәтләреннән курыксалар, аларның монда үрчергә калу ихтималлыгы  кими. Һәм тиз арада алар яшәү урыннарын башкага алмаштырырга мөмкин.


15
май 2018 ел.
сишәмбе

ТР Биологик ресурслар буенча дәүләт комитеты хезмәткәрләре “Татарстанның чиста урманнары”  табигать саклау акциясендә һәм санитария-экология икеайлыкта катнаштылар.

Узган ялларда ТР Биологик ресурслар буенча дәүләт комитеты хезмәткәрләре  ДКО “Шәһәр яны урманчылыгы”ның Столбище бүлемтекле урманчылык фондының урман территориясендә узган “Татарстанның чиста урманнары”  табигать саклау акциясендә актив катнаштылар.

Ә санитария-экология икеайлык чикләрендә, Әгерҗе муниципаль район территорияләрен чүптән чистарту буенча чара уздырылды. Аның барышында, үзләре артыннан чүп калдырмау үтенече, дистәләгән балыкчыга һәм аучыга җиткерелде.


11
май 2018 ел.
җомга

Татарстан Республикасының Куйбышев һәм Түбән Кама сусаклагычларында, су биологик ресурсларын саклау һәм үрчетү һәм уылдык чәчүне уңайлы уздыру максаты белән, “Балык – Булсын!” исеме астында ясалма уылдык чәчү урынын ясау һәм урнаштыру буенча акция узачак.

Чара 11 майдан алып 20 майга кадәр, Татарстан Республикасының тугыз муниципаль оешмасында уздырылачак (Актаныш, Яшел Үзән, Кама Тамагы, Лаеш, Мамадыш, Минзәлә, Балык Бистәсе, Спасс, Тукай).

2018 елда акцияне Татарстан Республикасының  сәнәгый балык тоту оешмалары, Татарстан Республикасының  Урман хуҗалыгы министрлыгы, Татарстан Республикасы буенча  Россия Эчке эшләр министрлыгының Төп идарәсе, Татарстан Республикасы Муниципаль оешмаларның Башкарма комитетлары, район белем бирү оешмалары булышуында, Татарстан Республикасының Биологик ресурслар буенча дәүләт комитеты оештыра.

 

Акциядә региональ  әһәмияттәге Дәүләт табигый тыюлык хезмәткәрләре, ДБО “Хайваннар дөньясын саклау өлкәсендә яңа технологияләр кертү үзәге” хезмәткәрләре, Казан энергетика университетының “Су биоресурслары һәм аквакультура” кафедрасы студентлары,  ҖЧҖ «Биосфера – ФИШ», районның белем бирү оешмалары укучылары, иҗтимагый оешмалар, һәвәскәр балыкчылар катнашачаклар.

Барлык теләүчеләрне Акциядә катнашырга чакырабыз.

Тулырак мәгълүматны Сез су биологик ресурслар бүлеге телефоны 211 66 94 буенча ала аласыз.

 

 


8
май 2018 ел.
сишәмбе

Бүген, 1941-1945 еллардагы Бөек Ватан сугышында Җиңүнең 73-еллыгы алдыннан, Татарстан Республикасының Биологик ресурслар буенча дәүләт комитеты хезмәткәрләре өлкәнең сугыш ветераннарын һәм тыл эшчеләрен шәхсән өйләренә барып котладылар.

Татарстан Республикасының Биологик ресурслар буенча дәүләт комитеты Бөек Ватан сугышы ветераннарына  һәм тыл эшчеләренә тыныч  тормыш өчен, балаларның көләч йөзләре өчен, без, сугыштан соң туган буын, Бөек Ватан сугышының нәрсә икәнен белмәвебез өчен рәхмәт  белдерә һәм түбән баш ия. Сезгә саулык-сәламәтлек, күңел җылысы, иминлек һәм озын гомер телибез.

 

 Татарстан Республикасының Биологик ресурслар буенча дәүләт комитетында,  Татарстан Республикасының Кызыл китабына кертелгән һәм югалу куркынычы яный торган һәм сирәк төр хайваннар, үсемлекләр һәм гөмбәләр буенча даими рәвештә эшли торган комиссия утырышы узды.  Флора һәм фаунаның берничә төрнең сирәклек  дәрәҗәсе буенча  карарлар кабул ителде.

Комиссия карары белән  кошларның бер төре Дубровник (солы песнәгенең бер төре) (Emberiza aureola), Халыкара табигать саклау берләшмәсе исемлегенә кертү  һәм республикада аның саны кимү сәбәпле, ТР Кызыл китабына кертелде.


7
май 2018 ел.
дүшәмбе

Татарстан Республикасының Биологик ресурслар буенча дәүләт комитеты хезмәткәрләре, республика күләмендә уза торган "Урман утырту көне” исемендәге табигать саклау акциясендә катнаштылар. Бүген бу акция , урманнарны торгызу фикеренә ваемсыз калмаган, республиканың 30 мең яшәүчесен берләштерде. Кешеләр агачлар утыртырга урманнарга, урман-паркларга һәм аллеяларга, яшәү территорияләренә чыктылар. Бу акциянең максаты булып, республикада урман ресурсларын тагын да күбәйтү һәм гражданнарда урманга карата сакчыл мөнәсәбәт тәрбияләү,  аны саклау мәсьәләсенә җәмгыятьнең игътибарын яллау, экологик ситуацияне һәм кеше яшәү тирәлеген яхшырту тора.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования