ЯҢАЛЫКЛАР


19
октябрь 2018 ел.
җомга

Бүген, Яшел Үзән районында, Татарстан Республикасының Биологик ресурслар буенча дәүләт комитеты тарафыннан, яшь буынны Татарстанның табигый байлыкларын саклауга һәм торгызуга тарту максатыннан, тозлыклар әзерләү буенча экологик белем бирү чарасы үткәрелде. Әлеге чарага  “Нурлат балалар йорты” укучылары да кушылды.

Балаларга чараның максатлары һәм әһәмияте турында лекция укыдылар, аучылык хуҗалыгы турында сөйләделәр һәм тозлыклар ясарга өйрәттеләр. Тозлыклар-ул кыргый хайваннар өчен ясала һәм урманнарда урнаштырылаторган, хайваннар өчен өстәмә минераль азык сыйфатында кирәкле, тоз урнаштыру өчен җайланмалар.


18
октябрь 2018 ел.
пәнҗешәмбе

Һәр гражданин браконьерлыкка каршы көрәшкә кушыла ала. Моның өчен,  Татарстан Республикасының Дәүләт һәм муниципаль хезмәтләр порталында «Халык контроле» бүлегенә керергә кирәк.

Әлеге ресурс ярдәмендә, физик затлар тарафыннан ятьмәләр кую фактлары турында, шулай ук сәнәгый балык тоту участогы чикләреннән читтә ятьмәләр кую турында хәбәр итү өчен, https://uslugi.tatarstan.ru/open-gov  сылтама буенча күчәргә кирәк. Аннары “Вакыйга өстәргә” кнопкасына басарга, “Су биологик ресурсларын законсыз тоту (чыгару)” категориясен сайларга, фото кушарга, чыга торган картада координатларын күрсәтергә,  исемен һәм вакыйга турында мәгълүмат  өстәргә кирәк.

Гражданнарның хакимият органнары белән хезмәттәшлегенең мондый форматы, су биоресурсларын законсыз тоту мәсьәләсе буенча, чараларны тиз һәм нәтиҗәле кабул итү мөмкинлеген бирә.​


17
октябрь 2018 ел.
чәршәмбе

Татарстан Республикасының Балтач районы буенча Биологик ресурслар буенча дәүләт комитеты белгечләре “Бердәм урман утырту көне” исемле республика күләмендәге табигатьне саклау акциясенә кушылдылар.  Балтач участок урманчылыгы хезмәткәрләре, Норма урта гомуми белем бирү мәктәбе укучылары һәм укытучылары белән берлектә “Балтач” тыюлыгы территориясендә 300 нарат һәм каен үсентесе утыртылды.

 


16
октябрь 2018 ел.
сишәмбе

  Татарстан Республикасының Биологик ресурслар буенча дәүләт комитеты җитәкчесе Лаеш районында “Биосфера-Фиш” балык үрчетү комплексының беренче чиратын ачу һәм икенче  чиратының старт алуы тантанасында булды

Чарада Татарстан Республикасы Президенты Рөстәм Миңнеханов, Балыкчылык буенча Федераль агентлык җитәкчесе урынбасары Василий Соколов, Татарстан Республикасы Авыл хуҗалыгы һәм азык-төлек министрлыгы башлыгы Марат Әхмәтов, “Биосфера-Фиш” генераль директоры Игорь Абдрахманов һәм башкалар катнашты.

Әлеге балык үрчетү комплексы Идел-Нократ төбәгендәге балык запасларын торгызу өчен чөгә балыгының маймычларын җитештерүне, шулай ук үрчетү материалы һәм  сату өчен форель  балыкларының  маймычларын җитештерүне күздә тота.

“Биосфера-Фиш” комплексы “Минем алтын балыгым” исемле экологик белем бирү чыгышы өчен  маймычлар биреп, Дәүләт комитеты белән хезмәттәшлек иткән иде. Ул  чыгыш кысаларында балалар чөгә балыгының маймычларын Зөя култыгына чыгарганнар иде.

 


15
октябрь 2018 ел.
дүшәмбе

Татарстан Республикасының Биологик ресурслар буенча дәүләт комитеты хезмәткәре, Түбән Кама районы буенча район бүлеге башлыгы Иванов Эдуард Павлович, Түбән Кама районының МБО«Балалар экология-биология үзәге»нең «яшь натуралистларга багышлау» чарасында катнашты.

Чара эстафета формасында узды, шулай ук экология һәм биология темаларына конкурслар, викториналар үткәрелде. Балалар җирле флора һәм фауна һәм урманда ориентлашуда үзләренең белемнәрен күрсәттеләр.


14
октябрь 2018 ел.
якшәмбе

Тыюлык эше хезмәткәрләрен һөнәри бәйрәмнәре белән котлыйбыз! Аларга исәнлек-саулык, эшләрендә уңышлар телибез.

Инде 15 елга якын Тыюлыкта эшләүчеләр көне уздырыла. Традицион рәвештә бу көн 14 октябрьдә билгеләп үтелә. Аны  оештыру турында карар 1999 елда кабул ителә. Владивосток шәһәрендә узган Бөтенроссия семинар-киңәшмәсендә, дәүләт тыюлыклары директорлары бәйрәмне оештыру инициативасы белән чыгыш ясадылар.

Бу бәйрәмнең конкрет максаты бар: әлеге эшчәнлек өлкәсенә, табигый байлыкларын саклау мәсьәләсенә җәмәгатьчелек игътибарын җәлеп итү. Бу бәйрәм тере табигатьнең милли горурлык булуын исбатларга тиеш.


12
октябрь 2018 ел.
җомга

Хайваннар, үсемлекләр дөньясы һәм аеруча саклана торган табигый территорияләр өлкәсендә дәүләт күзәтчелеге буенча район бүлеге җитәкчесе П. Б. Яцукның  больничныйда булган вакытына, Тукай районының һәркем керә алырлык аучылык җир-суларында аучылык ресурсларын табуга гаризаны кабул итү һәм рөхсәтнамә бирү өчен җаваплы итеп, Алабуга районы буенча хайваннар, үсемлекләр дөньясы һәм аеруча саклана торган табигый территорияләр өлкәсендә дәүләт күзәтчелеге буенча район бүлеге җитәкчесе Родионов А. В. билгеләнде.

Рөхсәтнамә алу өчен түбәндәге адрес буенча мөрәҗәгать итәргә кирәк:

Алабуга шәһәре, Чапаев ур., 68

89178692865 Родионов Андрей Валерьевич

Рөхсәтнамә алу өчен гаризалар буенча гражданнарны кабул итү графигы:

 Дүшәмбе

15.00 сәгатьтән 17.00 сәгатькә кадәр - ТР Дәүләт хезмәтләре порталы аша бирелгән гаризалар буенча гражданнарны кабул итү;

17.00 сәгатьтән 19.00 сәгатькә кадәр -гариза бирү ысулы буенча бүленмичә (чират буенча) гражданнарны кабул итү.

Җомга

15.00 сәгатьтән 17.00 сәгатькә кадәр -ТР Дәүләт хезмәтләре порталы аша бирелгән гаризалар буенча гражданнарны кабул итү;

17.00 сәгатьтән 19.00 сәгатькә кадәр - гариза бирү ысулы буенча бүленмичә (чират буенча) гражданнарны кабул итү.

Шимбә

9.00 сәгатьтән 11.00 сәгатькә кадәр -ТР Дәүләт хезмәтләре порталы аша бирелгән гаризалар буенча гражданнарны кабул итү;

11.00 сәгатьтән 13.00 сәгатькә кадәр - гариза бирү ысулы буенча бүленмичә (чират буенча) гражданнарны кабул итү.

 

 

Традициягә кергән «Бердәм урман утырту көне» исемле табигать саклау чыгышында, «Кичке Таң», «Чатыр Тау», «Ашыт» тыюлыклары белән беррәттән, шулай ук «Озын Алан»дәүләт табигый комплекслы  тыюлыгы да катнашты.

Татарстан Республикасының Тәтеш муниципаль районында, Татарстан Республикасының Биологик ресурслар буенча дәүләт комитеты хезмәткәрләре Тәтеш гражданнар оборонасы көллияте студентлары белән берлектә, тыюлыкның административ бинасы территориясендә декоратив куаклар утыртып, әлеге экологик чыгышка кушылдылар.


11
октябрь 2018 ел.
пәнҗешәмбе

Татарстан Республикасының Биологик ресурслар буенча дәүләт комитеты яр буе полосаларын җыештыруда катнашуын дәвам итә.

6 һәм 8 октябрь көннәрендә, «Спас» һәм  «Балтач» тыюлыклары артыннан, Дәүләт комитеты хезмәткәрләре «Чиста болыннар» тыюлыгы территориясендәге  яр буе полосасын җыештырдылар. Җыештыруда шулай ук балалар һәм җирле халык катнашты.


10
октябрь 2018 ел.
чәршәмбе

15 октябрьдә соры куянга ау чоры башлана.Ул киләсе елның 10 гыйнварына кадәр дәвам итәчәк.

Исегезгә төшерәбез: куянның охшаш төренә – ак куянга- ау тыела, чөнки ак куян Татарстан Республикасының Кызыл китабына кертелде. Игътибарлы булыгыз!

Шулай ук, ак куян яки башка сирәк төр белән очрашканда, сез бу сылтама буенча “Татарстан Республикасының Кызыл китабына кертелгән хайваннар, үсемлекләр һәм гөмбәләр төрләрен исәпкә алуның мәгълүмати картасы”н тутыра аласыз.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования