«А.И. Щеповских исемендәге «Дала» заказнигы» башлыгы «Урман рыцаре-2024» Төбәкара конкурсында җиңүчеләрнең 1 се дип танылды
Бу хакта Уфада «Урман рыцаре-2024» XVII төбәкара конкурсында җиңүчеләрне бүләкләү тантанасында билгеле булды.
«А.И. Щеповских исемендәге «Дала» «Махсус сакланыла торган табигый территорияләрнең кыргый хайваннарны һәм аларның яшәү шартларын тикшерү һәм саклау, шулай ук кадрлар әзерләү һәм яшьләрне экологик тәрбияләү белән шөгыльләнүче хезмәткәрләре» номинациясендә җиңүчеләр арасына керде. Табигатьне саклау чараларын һәм экологик-агарту эшчәнлеген үткәрү өлкәсендәге күпьеллык нәтиҗәле эше өчен бүләккә заказник башлыгы Фәрит Динмөхәммәтов лаек булды.
«Безнең өчен мондый бүләк алу –шатлыклы көтелмәгән хәл. Бу горурланырлык сәбәп кенә түгел, ә бу юнәлештә тагын да зуррак энтузиазм белән эшләүне дәвам итү өчен стимул да. Узган ел без мәктәпләрдә, балалар бакчаларында һәм башка белем бирү учреждениеләрендә 5,8 меңнән артык үсеп килүче буын кешесен җәлеп итеп 200 экологик-агарту чарасы үткәрдек», – диде ул.
Белешмә:
«Урман рыцаре» – Кыргый хайваннарны яклау фонды тарафыннан РФА ның Уфа Федераль тикшеренү үзәге һәм Рус география җәмгыятенең Башкортстан бүлеге белән берлектә үткәрелә торган конкурс. Чара инде 30 ел дәвамында үткәрелә.
Конкурста аучылык инспекторлары, балыкчылык инспекторлары, урманчылар, махсус сакланыла торган табигый территорияләр хезмәткәрләре, фәнни-тикшеренү һәм уку йортларының (мәктәпләр һәм балалар үзәкләрен дә кертеп) кыргый хайваннарны һәм аларның яшәү шартларын тикшерү һәм саклау, шулай ук кадрлар әзерләү һәм бу өлкәдә яшьләрне мотивацияләү белән шөгыльләнүче хезмәткәрләре катнаша.