Машка кушаматлы пошины коткару тарихы ел буе дәвам итә, аның табигый яшәү тирәлегенә кайтуы белән тәмамлана. Кечкенә генә поши узган елның Май бәйрәме көннәрендә – бөтен халык Җиңү көнен билгеләп үткәндә – Зеленодольск районының Бритвино авылы янындагы сазлыкта батып барганда табыла. Әнисе дә янәшәдә була, ләкин бәләкәчкә берничек тә ярдәм итә алмый. Ул эз буйлап йөрергә өйрәнгән булса кирәк, ләкин, көчен исәпләп бетермичә, суга керә.  

ТР Биоресурслар буенча дәүләт комитеты искә төшерә: бүген сөркә-байбак аулауга жирәбәдә катнашу өчен гаризалар кабул итү тәмамлана. Жирәбәдә катнашу өчен, сылтама аша гариза бирергә кирәк. 

ТР Биоресурслар буенча дәүләт комитеты хезмәткәрләре тарафыннан Казанның Киров районы Күзәмәт бистәсе янындагы «Идел киңлекләре» тыюлыгы территориясендә Идел елгасы култыгында «Уылдык чәчү» операциясе кысаларында гражданин тоткарланды. Ул тыелган балык тоту кораллары белән су биоресурсларын тота. Урынга транспорт полициясе хезмәткәрләре чакырылды.

ТР Биоресурслар буенча дәүләт комитеты белгечләре һәр яз саен мәктәп укучылары белән бергә ясалма уылдык чәчү урыннары – чыршы ботакларыннан гирляндалар үрәләр. «Балык – булсын!» акциясе кысаларында республиканың 11 районында, Куйбышев һәм Түбән Кама сусаклагычлары акваторияләрендә 7,98 км шундый урыннар урнаштырылды инде. Алар судак, сазан, чуртан һәм Татарстан сулыкларында яшәүче башка тереклек ияләренең популяциясен саклап калырга һәм арттырырга ярдәм итә.