Бөгелмәдә адашкан озын койрыклы ябалакны урманга очыралар

2024 елның 19 феврале, дүшәмбе

ТР Биоресурслар буенча дәүләт комитетының Бөгелмә районы буенча районара бүлеге башлыгы агачтан карга егылып төшкән озын койрыклы ябалакка ярдәм кулы суза. Район предприятиеләренең берсеннән битараф булмаган хезмәткәрләр аңа ярдәм сорап мөрәҗәгать итә.

Кошның салкында үлү ихтималы булуга борчылып, алар аның ботакта утыруын, кинәт кенә кар өстенә мәтәлеп төшүен сөйлиләр.

Көндез ябалак ориентирны югалткан, ахрысы. Ветеринария табибы тикшергәндә, ябалакның сәламәт булуы ачыклана. Аны ашаталар, җылыталар һәм якындагы урманга иреккә җибәрәләр.