Татарстан тыюлыклары урманнарны җыештыра һәм агачлар утырта
«Кичкетаң » тыюлыгы «Татарстанның чиста урманнары» дип исемләнгән республика акциясенә кушылды. Акция кысаларында тыюлык хезмәткәрләре, җирле халык белән бергә, урман фонды территориясен каты коммуналь калдыклардан чистарттылар, урмандагы беседкаларны, аншлагларны һәм мәгълүмат щитларын ремонтладылар.
Шулай ук тыюлык гомуми белем бирү учреждениеләре укучылары өчен бу акциягә багышланган дәресләр һәм экологик конкурслар оештырды. Дәресләрдә төп басым әйләнә-тирә мохитнең пычрану нәтиҗәләре белән көрәшкәнче, аны башта ук пычратмау дөресрәк булу турында, кечкенә торак пунктларның масштабында, кеше тарафыннан табигатькә китергән зыян турында сөйләүгә төште. Тыюлык хезмәткәрләре Кичкетаң урта мәктәбендә күптән түгел уздырылган дәресне агач утырту белән бергә кушып алып бардылар. «Эколята» түгәрәгенә йөрүчеләр белән бергә белгечләр 50дән артык гадәти нарат үсентесе утырттылар. Яшелләндерү Кичкетаң авылы паркында дәвам итәчәк. Анда тиздән ТАССР төзелүнең 100 еллыгына багышланган тагын бер аллея барлыкка киләчәк.
Зөя буйлары тыюлыгы да агач утырту белән бергә алып барылган файдалы дәрес үткәрде. Алар Буа шәһәренең укучылары белән бергә 60 чыршы һәм кәстәнә үсентесе утырттылар. Тәтеш районының Монастырское авылында, «Озын Алан» тыюлыгы белгечләре авыл җирлеге, мәдәният, авыл китапханәсе, ФАП хезмәткәрләре һәм «Монастырь башлангыч мәктәп-бакча» укучылары белән бергә себер карагачы, өрәңге һәм нарат үсентеләре утырттылар.
