Татарстанда браконьерлыкка каршы көрәш эше көчәйтелде
Татарстан Республикасының Биоресурслар буенча дәүләт комитеты хезмәткәрләре берничә хокук бозу очрагын теркәде. Республикада су ресурсларын законсыз тотуны ачыклау буенча көчәйтелгән рейдлар үткәрелә. Инспекторлар башка сыймаслык фактларга юлыкты: шимбә көнне генә дә район хезмәткәрләре сулыклардан 54 ятьмә тартып чыгарды, аларга балык кына түгел, кошлар да эләккән.
Мисал өчен, Лаеш районында ике браконьер тоткарланды. Идел-Кама дәүләт табигый биосфера тыюлыгының Саралы участогы сак зонасы территориясендә (Идел елгасы култыгы) ике граждан тоткарланды ( Тангачи авылы яшәүчеләре), алар ТР Лаеш районының Татар Саралысы торак пунктыннан көймәдә 3,5 километрга китеп, 90метрлы озынлыктагы лескалы ятьмә кулланып биологик ресурсларны законсыз рәвештә тотканнар. РФ Җинаять кодексының 256нчы маддәсендә каралган җинаять составының билгеләре булганга күрә, материаллар Россия Эчке эшләр министрлыгының Казан линиясе идарәсенә транспорт белән җибәрелде.
Биоресурслар буенча дәүләт комитеты кисәтә. Санитар-эпидемиологик хәл һәм Татарстан Республикасында коронавирус инфекциясе таралуга юл куймау сәбәпле, чыгып йөрмәвегезне сорыйбыз. Бу көннәрдә су-биологик ресурсларын һәм хайваннар дөньясы объектларын саклау өлкәсендә таләпләрне бозуны кисәтү, ачыклау һәм булдырмау буенча чаралар көчәйтелде.