Бүген-Экологик белем көне
15 апрельдә Россиядә ел саен Экологик белем көне билгеләп үтелә. Татарстан Республикасының Биологик ресурслар буенча дәүләт комитеты белгечләре ел саен йөзләрчә экологик дәрес үткәрәләр. Бүгенге үз-үзеңне изоляцияләү режимда табигать турындагы һәм хайваннарга, кошларга һәм үсемлекләргә сакчыл караш турындагы белемнәрне он-лайн дәресләр режимында бирәләр.
Хәзерге дөньяда экологик белем бирүнең әһәмияте зур. Халыкның экологик культурасын һәм әйләнә-тирәлеккә сак карашын формалаштыру эшчәнлеге-ул бөтен кешелек өчен иминлекле киләчәкнең нигезе.
“Экология” термины (грек теленнән “oikos” – йорт, һәм “logos» – фән, белем) беренче тапкыр 1866 елда немец биологы Эрнст Геккель тарафыннан кертелде. Заманча аңлауда экология-организмнарның үзара һәм әйләнә-тирә мохит белән үзара мөнәсәбәтләре турындагы фән.
Шуңа күрә, кешелекнең үсә баручы ихтыяҗлары һәм планетаның кими торган мөмкинлекләре арасында тигезлеккә ирешү өчен, шул ук вакытта табигатьнең бозылуыннан да саклап калу өчен, безнең заманда һәркем экологик белемнәрнең һәм әйләнә-тирә дөнья белән сакчыл хезмәттәшлек итүнең минималь җыелмасына ия булырга тиеш.