Куркып калган Түбәнкамалылар 112 коткару хезмәтенә шалтыратып, чакырылмаган кунак турында хәбәр иттеләр. Төзүчеләр бистәсендә урнашкан шәхси йортка зур кондыз кергән. Яңа әйләнә-тирәлектән куркып хайван үзен агрессив тоткан, шуның белән өй хуҗаларын куркыткан. Хәбәрне Татарстан Республикасының Биоресурслар буенча дәүләт комитетына тапшырдылар. Белгечләр хайванны тоттылар һәм аны гадәти яшәү тирәлегенә кайтардылар.