Татарстанда кыргый хайваннарның кышкы маршрутын исәпкә алу башланды
1 гыйнвардан Татарстанда кыргый хайваннарның кышкы маршрутын исәпкә алу башланды, ул тотрыклы кар катламы булган Россия Федерациясенең бөтен территориясе буенча үткәреләчәк. Татарстанда гомуми озынлыгы 17000 км булган 1500 маршрут билгеләнде.
Татарстан территориясендә хайваннарны исәпкә алуда аучылык хуҗалыклары белгечләре, егерьлар, ТР Биоресурслар буенча дәүләт комитеты белгечләре, җәмәгать инспекторлары һәм битараф булмаган аучылар катнаша. Чираттагы чыгыш, Лаеш районында кышкы маршрутны исәпкә алуны тикшерү максатыннан үзәк аппарат белгечләре белән оештырылды, анда поши, кабан, кыр кәҗәләре һәм башка җәнлекләр санын исәпләп чыгардылар.
Алынган мәгълүматлар аучылык ресурсларының торышын бәяләргә һәм кирәк булган очракта, Татарстан Республикасының фаунасын саклау һәм торгызу буенча чаралар күрергә мөмкинлек бирәчәк.
.jpg)