Дәүләт комитеты хезмәткәрләре биотехник чаралар үткәрде

Татарстан Республикасы Биоресурслар буенча дәүләт комитеты хезмәткәрләре полиция хезмәткәрләре белән берлектә Кайбыч районында боз астына төшкән ике кыр кәҗәсен коткарган. Алар арыган һәм өшегән хайваннарны судан чыгарганнар. Тикшерү вакытында, кыр кәҗәләренең боз астына киткәндә аякларын җәрәхәтләве ачыкланган.

Татарстанда «Махсус сакланылучы табигый территорияләрнең төбәк системаларында биосфера резерватларының роле: биотөрлелекне саклау бурычлары» темасына квалификация күтәрү программасы ачылды. Тыңлаучыларга сәламләү сүзе белән Татарстан Республикасы Биологик ресурслар буенча дәүләт комитеты рәисе урынбасары Рамил Шәрәфетдинов мөрәҗәгать итте. Ул вакыйганың регионара хезмәттәшлек өчен әһәмиятен ассызыклады: «Бүген табигатьне саклау эшчәнлеген үстерүдә һәм төбәкләр арасында һөнәри тәҗрибә уртаклашуда яңа этап булачак программа ачыла. Татарстан Республикасы МСТТ челтәрен актив үстерә: соңгы ун елда республиканың табигый мирасын саклауга ярдәм итә торган 20 яңа территория төзелде. Барлык катнашучыларга да нәтиҗәле эш, кызыклы дискуссияләр һәм яңа һөнәри элемтәләр телим!»

Бүген, Кыргый табигать көнендә, ТР Биоресурслар буенча дәүләт комитеты һәркемгә мөрәҗәгать итә. Әйдәгез бергәләп тирә-юньдәге гаҗәеп дөньяга – күзаллауларыбызны таң калдыра, безгә матурлык һәм гармония бүләк итә торган дөньяга рәхмәт әйтик. Аның беренчел матурлыгын бары тик без –кыргый табигатьне якларга әзер булган аңлы гражданнар гына саклый ала. Уртак тырышлыгыбыз – аның табигый гүзәллеген саклау нигезе. Татарстан – биотөрлелекнең чын хәзинәсе. Биредә дала киңлекләре һәм куе урманнар гармонияле рәвештә үрелеп ята, ә аларда – соклангыч тереклек. 

Бүген дәүләти табигать тыюлыклары администрацияләренең киңәшмәсе узды, анда узган елга йомгак ясалды. Әйләнә-тирә мохитне саклау өлкәсендә шактый алга китеш күзәтелде – махсус сакланучы алты яңа табигый территория төзелде, 193 МСТТ өчен 1 597 мәгълүмат стенды куелды һәм Кызыл китап төрләрен күзәтүдә үсеш теркәлде.