Балтач районында Халыкара кошлар көнен билгеләп үттеләр
Татарстан Республикасының Биоресурслар буенча дәүләт комитеты белгечләре Балтач районында «Татарстан Республикасы Балтач муниципаль районы Салавыч балалар бакчасы»МББУсендә сыерчык оялары элеп Кошлар көненә багышланган чара үткәрделәр.
«Хайваннар дөньясының иминлеге турыдан-туры кеше тормышына бәйле. Аулау һәм күңел ачу, авыл хуҗалыгы җирләрен киңәйтү һәм әйләнә-тирә мохитне пычрату фауна вәкилләренең юкка чыгуына китерә, шуңа күрә каурыйлылар безнең кайгыртуга мохтаҗ», - дип сөйләде «Балтач»тыюлыгы белгечләре.
Сыерчык оялары Салавыч авылы янында һәм балалар бакчасы территориясендә эленде. Ата-аналар һәм тыюлык белгечләре көче белән безнең канатлы дусларыбыз өчен бик уңайлы оялар килеп чыкты.
Пешекчеләр барлык катнашучыларны да традицион «Карга боткасы»белән сыйладылар. Балалар бик канәгать калдылар.