Балаларга табигать турында: Арча районы укучылары "Туган як сукмаклары белән" дигән экологик походта катнаштылар

2021 елның 4 августы, чәршәмбе

Татарстан Республикасының Биоресурслар буенча дәүләт комитеты үсеп килүче буынның экологик культурасын һәм грамоталылыгын күтәрү буенча актив эш алып бара. Әлеге эш кысаларында ведомство белгечләре тарафыннан балалар бакчаларында тәрбияләнүчеләр һәм мәктәп укучылары арасында чаралар оештырыла.

Чираттагы чара Арча районы укучылары өчен үткәрелде. «Ашыт» табигать тыюлыгы хезмәткәрләре Арча станциясендәге күп функцияле мәдәни үзәкнең «Күренмәс сакчы» клубы һәм ТР Экология һәм табигый байлыклар министрлыгының Төньяк территориаль идарәсе белән берлектә "Туган як сукмаклары белән"дигән экологик поход оештырдылар.

Чара барышында балалар табышмакларга җавап бирделәр һәм үзләрен кызыксындырган темалар турында сораштырдылар. 

Поход кызыклы һәм мавыктыргыч булып чыкты. Соңыннан барлык катнашучылар да бүләкләр алды.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International