Балаларга табигать турында: «Ашыт» тыюлыгы хезмәткәрләре мәктәпкәчә яшьтәге балаларны урман яшәүчеләре белән таныштырды
Татарстан Республикасы Биоресурслар буенча дәүләт комитеты үсеп килүче буынның экологик культурасын һәм грамоталылыгын күтәрү буенча актив эш алып бара. Әлеге эш кысаларында ведомство белгечләре тарафыннан балалар бакчаларында тәрбияләнүчеләр һәм мәктәп укучылары арасында төрле чаралар оештырыла.
Чираттагы чара Әтнә районы Түбән Көек балалар бакчасында тәрбияләнүчеләр өчен үткәрелде. «Ашыт» табигать тыюлыгы һәм Татарстан Республикасы Экология һәм табигый байлыклар министрлыгының төньяк территориаль идарәсе белгечләре мәктәпкәчә яшьтәге балаларны урман яшәүчеләре белән таныштырдылар, шулай ук урманда үз-үзеңне тоту кагыйдәләре турында сөйләделәр.
Очрашу барышында балалар агачлар һәм чәчәкләр утырттылар. Чара бик мавыктыргыч һәм кызыклы булып чыкты. Чара ахырында барлык катнашучылар да бүләкләр алды.