Казан федераль университеты студентлары «Спас» тыюлыгының хайваннар һәм табигый дөньясы белән таныштылар
Татарстан Республикасы Биоресурслар буенча дәүләт комитеты үсеп килүче буынның экологик культурасын һәм грамоталылыгын үстерү буенча актив эш алып бара. Әлеге эш кысаларында ведомство белгечләре тарафыннан балалар бакчаларында тәрбияләнүчеләр, мәктәп укучылары һәм студентлар арасында төрле чаралар оештырыла.
Чираттагы чара Болгар тарих-археология музей-тыюлыгы территориясендә Казан Федераль университетының студент-практикантлары белән узды. «Спас» тыюлыгы башлыгы Евгений Костин аларга аеруча саклаулы табигать территорияләре, шулай ук районның хайваннар һәм үсемлекләр дөньясы турында сөйләде.
Чара тыюлык эше һәм алга таба уртак планнар турында булган сораулар буенча фикер алышу белән тәмамланды.
Белешмә өчен:
«Спас» тыюлыгы флорасы 448 тамырлы үсемлек төре, 7 амфибия төре, 5 рептилия төре, 114 оя ясаучы кош төре һәм 39 төр имезүче белән бирелгән. Тыюлык территориясендә сирәк һәм юкка чыга торган үсемлек төрләре – себер ирисы, дару авраны, рус кырыкбуыны, киң яфраклы йод үләне, мамыклы лилия, ап-ак төнбоек, йөзә торган сальвиния, зур энә карагы, җир борчасы, ай коңгызы, шулай ук рептилияләр - бакыр кәлтә, гади кара елан; кошлар-зур күлбога, зур ак челән, ысылдык аккош, дала карчыгасы, елга каракошы, бүдәнә, зур шөлди, зур улит, үлән шөлдие, кара башлы акчарлак, нәни акчарлак, нәни диңгез акчарлагы, саз ябалагы, гади яр чыпчыгы, зәңгәр чыпчык, соры карабай, гади ремез һәм имезүчеләрдән ас бар.