Куйбышев сусаклагычына 3 меңнән артык чөгә балыгының маймычы чыгарылды

2021 елның 26 августы, пәнҗешәмбе

Чөгәнең 3471 маймычын Куйбышев сусаклагычын чыгардылар. Балыкландыру Тукай районының Бәтке авылында үткәрелде. Балыкны чыгару биологик су ресурсларына китерелгән зыянны каплау өчен башкарылды.

Бу чара Россия балыкчылыгының Урта Идел территориаль идарәсенең Татарстан Республикасы буенча дәүләт контроле, күзәтчелеге һәм су биологик ресурсларын саклау бүлеге һәм ТР Биоресурслар буенча дәүләт комитеты хезмәткәрләре катнашындагы комиссия тарафыннан үткәрелә.

Һәр чөгә балыгының авырлыгы 3,75 граммнан да ким түгел, бу 1,5 һәм 2 айлык маймыч. Су объектын балыкландыру әйләнә-тирә мохиткә китерелгән йогынтыны бәяләү нигезендә исәпләнгән күләмнәрдә башкарыла.