Татарстан Республикасы Биоресурслар буенча дәүләт комитеты мәктәп укучыларын экология буенча бөтенроссия онлайн-олимпиадасында катнашырга чакыра
ТР Биоресурслар буенча дәүләт комитеты 13 сентябрьдән 4 октябрьгә кадәр экология буенча Бөтенроссия онлайн-олимпиада узачагын хәбәр итә. Чара «Экология» милли проекты кысаларында үткәрелә һәм укучыларда экологик фикерләүне һәм аңны тәрбияләүгә, шулай ук ата-аналарны һәм педагогларны экологик белем бирүгә җәлеп итүгә юнәлтелгән.
Олимпиадада 1-9 сыйныф укучылары катнаша ала. Экология буенча белемнәрен тикшерү өчен учи.ру сайтында теркәлеп, тәкъдим ителгән биремнәрне үтәргә кирәк булачак, аларны эшләү өчен бер сәгать вакыт биреләчәк. Олимпиада мәктәп программасын тирәнтен белүне таләп итми.
Җыелган баллар саны олимпиада биремнәрен үтәгәннән соң ук билгеле булачак. Олимпиадада катнашучылар һәм аларның укытучылары сертификатлар алачак.
Онлайн-олимпиада шартлары белән тулырак сылтама буенча танышырга мөмкин.