Россиянең Кызыл китабы 2021 елда яңадан басылып чыгачак

2021 елның 7 сентябре, сишәмбе

Россиядә 2021 ел ахырына кадәр Кызыл китапның «Хайваннар» томын яңадан бастырып чыгарачаклар. Анда барлыгы 443 төр хайван кертеләчәк, 122се төшереп калдырылачак.

Кызыл китапның яңа басмасы, Табигать министрлыгы 2020 елның мартында раслаган, хайваннар дөньясы объектлары исемлеге буенча төзелгән. Басманың тиражы 2 мең китап тәшкил итәчәк. Аларны төбәкләргә, баш китапханәләргә һәм учреждениеләргә тапшырачаклар. Электрон версия белән Табигать министрлыгы сайтында танышырга мөмкин булачак.

20 ел эчендә Кызыл китапка 14 төр имезүче, шул исәптән үтерүче кит, кыр кәҗәсе, Каспий тюлене, ак төлкенең берингия төре һәм кара башлы сөркәнең Камчатка төре кертелде.