Татарстанлылар «Россия: 85 маҗара» проектында төбәкнең үзенчәлекләре турында сөйли алачак
ТР Биоресурслар буенча дәүләт комитеты RT телесетена керүче Russia Beyond онлайн-медиа «Россия: 85 маҗара»проектын эшләтеп җибәрүе хакында хәбәр итә. Проект кысаларында илнең һәр төбәгендә маҗаралар коллекциясе тупланачак, алардан илнең төрле төбәкләренең төрлелеге турында белергә мөмкин булачак.
Проект ике этапта узачак. Беренче урында Russia Beyond редакциясе Россиядә төбәк маҗаралары турында роликлар сериясен төшерәчәк һәм куячак. Видеоның бер өлеше проект сайтына куелган инде.
Моннан тыш, социаль челтәрләрдә «#85 приключений» челленджы узачак, анда теләгән һәркем үз төбәгенең үзенчәлекләре турында хикәяләр коллекциясен тулыландыра алачак —табигатьтән алып гастрономия традицияләренә кадәр. Моның өчен 2022 елның 1 мартына кадәр Instagram яки TikTok аша видеоны #85 приключений хэштегы белән бастырырга кирәк.
Икенче этапта онлайн-тавыш бирү узачак, аның нәтиҗәсендә кулланучылар Россиядә иң яхшы ун маҗараны сайлаячак. Проектның нәтиҗәсе булып, Россия турында документаль фильм чыгачак.