Татарстанда чәшкене һәм каманы санаячаклар

2021 елның 26 октябре, сишәмбе

Татарстан Республикасы Биоресурслар буенча дәүләт комитеты хәбәр итә: республикада чәшкене һәм каманы исәпкә алу башланды. Ул 29 ноябрьгә кадәр дәвам итәчәк.

Чәшкеләр һәм камалар -төрле сулыкларның яр буе полосасында яшәүчеләр. Бу җәнлекләр кышын суга керү мөмкинлеге булган сулыклар янында даими яши. Кама чәшкегә караганда ешрак зур тирән елгаларның яр буе полосасында яши. Чәшке, вак ерткыч кебек, кечкенә елгаларда да яшәү өчен оптималь шартлар таба һәм биредә даими яши.

Республикада америка чәшкесенең саны стабиль кала һәм 2523 баш тәшкил итә. Аларны ешрак Минзәлә, Әлки, Алексеевск һәм Алабуга районнарында очратырга мөмкин. Кама һәм Европа чәшкесе Татарстан Республикасының Кызыл китабына кертелгән.