Пошилар, кабаннар, кыр кәҗәләре һәм куяннар өчен «урман ашханәләре» ндә 226дан артык тозлык урнаштырылды
Республиканың аучылык җир-суларында кыргый хайваннар өчен яңа "өйләр" барлыкка килде. Җимлекләрне төзекләндерүдә 700 дән артык кеше катнашты. Алар арасында җәмәгатьчеләр, оешма хезмәткәрләре, мәктәп укучылары һәм урта махсус һәм югары уку йортлары студентлары бар. Барысы да бик теләп эшләделәр, чөнки мөһим һәм файдалы эш башкаруларын белделәр.
Шулай итеп, акция барышында республика территориясендә пошилар, кабаннар, кыр кәҗәләре һәм куяннар өчен 226 тозлык, кабаннар өчен 20 өстәмә ашату мәйданчыгы, шулай ук кошлар өчен 23 җимлек һәм 17 чуерташ салу урыннары корылган. Чуерташлыклар һәм очышу урыннарын ясаганда 510 килограмм чуерташ һәм бер тоннадан артык ком таратылган. Шулай ук кыргый терлекләрне минераль тукландыру сыйфатында 30 килограмм көл салынган.
Җимлекләргә 40 тоннадан артык ашлык, 2 тонна тоз, 20 килограмм катнаш азык, 55 килограмм кукуруз, 50 килограмм силос һәм 262 себерке салынган.
Әлеге чаралар хайваннарны салкын сезонда ашатырга мөмкинлек бирәчәк, төрле авыруларга каршы торуны арттырачак һәм хайваннарны азык эзләп күченеп йөрмәскә мөмкинлек бирәчәк. Алар тыныч кына саклана торган куркынычсыз территорияләрдә салкыннарны кичерә алачаклар.