«Татарстанның су энҗеләре» махсус проекты:Кырыкмас елгасы тугае
Татарстан табигый байлыкларга бай төбәк булып тора. Республикадагы су бассейннарының гомуми мәйданы 4 мең квадрат километрдан артып китә. Һәм куәтле һәм тулы сулы елгадан алып кечкенә күлгә кадәр һәр су объекты игътибарга лаек. Безнең махсус проект нәкъ менә аларга багышланачак.
Шуларның берсе - "Кырыкмас елгасы тургае" табигать һәйкәле. Анда 29 төр балык яши. Алар арасында Кызыл китапка кертелгән төрләр- инеш керкәсе, гади зәңгелә, гади ташбаш һәм Европа хариусы бар.
Елганың тугай участокларында 75 төр кош яши, аларның 17се Россия Федерациясе һәм Татарстан Республикасының Кызыл китабына кертелгән. Аларга елга каракошы, зур бөркет, шөпшәашар, кыр карчыгасы, дала карчыгасы һ. б. Амфибияләр һәм рептилияләр фаунасы 15 төрдән гыйбарәт аларның 4се – кызыл корсаклы су “үгезе”, соры гөберле бака, бакыр кәлтә һәм гади кара елан-Кызыл китапка кертелгән.