Татарстан Республикасы Биоресурслар буенча дәүләт комитеты хезмәткәрләре Түбән Кама районының балалар приюты территориясендә җимлекләр элделәр
Түбән Камада «Һәр кошчыкка – җимлек» дигән муниципаль иҗади конкурска йомгак ясалды. Чара «Кышын кошларны ашатыгыз!» дигән Бөтенроссия экологик акция кысаларында уздырылды.
Конкурска шәһәрлеләр тарафыннан ясалган 63 җимлек сайлап алынды. Аларны Татарстан Республикасы Биоресурслар буенча дәүләт комитетының район бүлеге җитәкчесе Эдуард Иванов һәм "Балалар экология-биология үзәге" директоры Гүзәл Хөснуллина бәяләде.
"Кышын кошларга ничек булышырга кирәклеге турында, өлкәннәрнең үсеп килүче буынга үрнәк күрсәтүләре шатландыра. Чөнки кыш- бигрәк тә ул кырыс һәм күп карлы булса, каурыйлылар өчен авыр вакыт. Шәһәр халкының җимлекләр ясаганда фантазиясе һәм яңа идеяләре күренеп тора", - дип билгеләп үтте ул.
Иң яхшы җимлекләрне һәм кош ояларын “Балкыш” балалар һәм яшүсмерләр өчен социаль приют территориясендә элделәр.