ТР Биоресурслар буенча дәүләт комитеты хезмәткәрләре янутсыман этне коткардылар

2021 елның 15 декабре, чәршәмбе

ТР Биоресурслар буенча дәүләт комитеты хезмәткәрләре янутсыман этне коткару буенча операция үткәрде.  Аны «Кояшлы шәһәр» торак комплексының бер йортында идән астында тапканнар.

Хәбәр шунда яшәүче кешедән килде. Ул бинаның идән астында  янутсыман этнең яшеренеп ятуы турында сөйләде.

Ерткыч тешләмәсен өчен, хайванны тоткан вакытта махсус перчаткалар кулланылды.

Аны тоттылар һәм хайваннарның сирәк төрләрен коткару, вакытлыча асрау һәм табигый мохиткә кайтару буенча дәвалау станциясенә тапшырдылар.