Балыкны ятьмә белән тоткан өчен татарстанлыларга җинаять җаваплылыгы яный

2022 елның 3 гыйнвары, дүшәмбе

Татарстан Республикасы Биоресурслар буенча дәүләт комитеты браконьерлык эшчәнлеген кисәтү буенча актив эш алып бара.

Шулай итеп, «Идел киңлекләре» дәүләт табигать тыюлыгы территориясендә уздырылган  рейд барышында ятьмә белән балык тоткан граждан тоткарланды. Урынга Россия Эчке эшләр министрлыгының транспорттагы линия идарәсе хезмәткәрләре чакырылды.

Хәзерге вакытта РФ Җинаять кодексының 256 маддәсе (Су биологик ресурсларын законсыз тоту) буенча җинаять эше кузгату мәсьәләсе хәл ителә.