Майналар һәм бәкеләр:"Идел киңлекләре"тыюлыгы территориясендә балыкны ничек коткаралар

2022 елның 3 феврале, пәнҗешәмбе

Профилактик чараларны үз вакытында үткәрү, сулыкларда балык запасларын саклап калырга мөмкинлек бирә. Бәкеләр һәм майналар бораулау, суда өстәмә кислород булуны  тәэмин итә.

Бу юлы “Балык-Булсын!” акциясенә “Идел киңлекләре” дәүләт табигать тыюлыгы хезмәткәрләре дә кушылды. Әлеге чаралар кысаларында 150 бәке һәм майна борауланган.

Исегезгә төшерәбез, “Балык-Булсын!” акциясе республиканың 17 яр буе районында һәм аеруча саклана торган сулыкларында махсус техника һәм компрессорлар кулланып үткәрелә. Ул чарада ТР Биоресурслар  буенча дәүләт комитеты хезмәткәрләре, балык сәнәгатендә эшләүчеләр, һәвәскәр балыкчылар, волонтерлар актив катнаша.