Республиканың аучылык җир-суларында биотехник чаралар үткәрелә: Кыргый хайваннарны кышын ничек өстәмә ашаталар?
Кышкы чорда, табигый яшәү тирәлегендә азык тулысынча бетте дигәндә, ә хайваннар көчсез һәм өстәмә ашауга мохтаҗ булганда, төрләрне саклау өчен, тояклы хайваннарны, куяннарны һәм кышлаучы кошларны даими рәвештә ашатырга кирәк. Шуңа бәйле рәвештә ТР Биоресурслар буенча дәүләт комитеты хезмәткәрләре кыргый хайваннарны кышкы чорда ашату эшен башлап җибәрделәр.
Эшләр республиканың бөтен территориясе буенча, кыргый хайваннарның санын тотрыклы дәрәҗәдә саклап калу максатларында үткәрелә.
Өстәмә ашату кыр кәҗәләренә, куяннарга, кыр тавыкларына, көртлекләргә, кайбер җирләрдә кабаннарга исәпләнгән, әмма мәйданчыкларга башка урман яшәүчеләре дә килә.
Бүгенге көндә республика территориясендә соры куян, соры кыр тавыгы һәм көртлек өчен 9 333 азык мәйданчыгы оештырылды, кыр кәҗәләре өчен 19 273 себерке, ак һәм соры куяннар өчен 225,773 тонна печән һәм 27,786 тонна силос салынды, кошлар өчен 3784 чуерташлык һәм 5319 мәйданчык әзерләнде.
Әлеге биотехник чаралар терлекләрне кышкы азыксыз чорда ашатырга, өстәмә тукландыру белән тәэмин ителгән территорияләрдә салкыннарны тыныч кына кичерергә мөмкинлек бирәчәк.