Идарә башлыгы Д.А Иванов Яңа чишмә районындагы Сабантуй бәйрәмендә булды

Татарстан Республикасында бу ял көннәрендә татарларның, язгы кыр эшләрен төгәлләүгә багышланган, милли бәйрәме Сабантуй уздырылды. Сабантуй яраткан һәм бөтен җирдә үткәрелә торган бәйрәм һәм ул күптәннән күп милләтле бәйрәм булды. 9 июньдә Татарстан Республикасының хайваннар дөньясы объектларын саклау һәм файдалану Идарәсе башлыгы Д.А Иванов Яңа чишмә муниципаль районында Сабантуй бәйрәмендә катнашты. Д.А Иванов район кешеләрен бәйрәм белән котлады һәм аларга Татарстан Республикасы Президенты Р.Н. Миннеханов котлавын да җиткерде. ”Сабан бәйрәмендә” гадәттәгечә спорт һәм күңел ачу ярышлары, үзешчән сәнгать концертлары үтте. Сабантуйда әле һаман да иң популяр милли ярышларның берсе – көрәш. Ә ат чабышларыннан башка нинди Сабантуй инде! Шигырьләрдә һәм җырларда данлыкланган, атлар ук кебек очалар, ә җайдаклары сокландыралар. Бу- татар бәйрәменең кыйммәтле бизәге. Шат күңелле татар халкы җырлап, биеп кенә бәйрәм итми, алар тагын үзләренең кызларын һәм улларын батырлыкка һәм җитезлеккә, зиhенлелеккә һәм кыюлыкка сынап, горурлык белән сокланалар.