Аучылар игътибарына: Аучылык билетын Дәүләт хезмәтләре аша электрон рәвештә ничек алырга?
Агымдагы ел башыннан Дәүләт хезмәтләре порталы аша ТР Биоресурслар буенча дәүләт комитетына аучылык билеты бирү һәм гамәлдән чыгару өчен 1695 гариза керде, шуларның 1073 е – электрон рәвештә.
Аны алу өчен гариза бирүчегә электрон гариза тутырырга, шулай ук баш киемсез, туп-туры карап төшерелгән (анфас) йөзе ачык сурәтләнгән 3 х 4 см лы 2 фотосурәт әзерләргә кирәк.
Хезмәт гаризаны карый башлаганнан бирле 5 эш көне эчендә бирелә.
Дәүләт хезмәтләрен электрон рәвештә алуның өстенлекләре билгеле: хезмәтләрдән файдалану белән бәйле мәгълүматның һәркем кулланырлык булуы, вакытлы чыгымнарны киметү, шулай ук уңайлы вакытта теләсә кайсы урыннан гариза бирү мөмкинлеге.
Искәртеп узабыз: хәзерге вакытта ТР Биоресурслар буенча дәүләт комитеты тарафыннан электрон рәвештә 9 дәүләт хезмәте күрсәтелә.