Ильдар Халиков 10 яңа «УАЗ» машиналары ачкычларын Татарстан республикасының хайваннар дөньясы объектларын саклау һәм файдалану Идарәсенең районара бүлекләре башлыкларына бирде

2013 елның 19 июлендә Казанда Татарстанның Премьер-министры Ильдар Халиков 10 яңа «УАЗ» машиналары ачкычларын Татарстан республикасының хайваннар дөньясы объектларын саклау һәм файдалану Идарәсенең районара бүлекләре башлыкларына бирде. “Урманнарны, хайваннарны һәм үсемлекләрне саклау - безнең иң беренче бурычыбыз” - дип, ышана Республиканың хөкүмәт башлыгы. Ул идарәнең әйбәт эш нәтиҗәләрен билгеләп үтте. “ Ул төрле түләүләр саныннан гына билгеләнми, беренче чиратта Татарстанның урманнарында хайваннар саны үсү белән билгеләнә”,- диде И. Халиков. И. Халиков сүзе буенча, ТР Президенты Рөстәм Миннихановның идарәгә игътибары аерым. “Ул сезнең эшегезне, аның мөһимлеген, авырлыгын һәм куркыныч булуын бик яхшы аңлый. ТР Президентының штатны тулыландыру һәм өстәмә коралландыру турындагы карарлары, моңы раслап тора”,- диде Республиканың хөкүмәт башлыгы. “ Бу техника, белгечләр кулында, Татарстанның хайваннар дөньясы һәм экологиясен саклау өчен бик күп яхшылыклар эшләсен дип теләп калам”,- диеп әйтте И.Халиков. Шуннан соң Татарстанның Премьер-министры “УАЗ” машиналарының ачкычларын, Норлат, Теләче, Лаеш, Азнакай, Бөгелмә, Спасс,Тукай, Мамадыш,Тәтеш, Чирмешән районара бүлекләре башлыкларына бирде. Аннан башка, ТР Министрлар Кабинеты боерыгы белән, идарә хезмәткәренә күп еллар дәверенә тырышып эшләнгәне һәм ТР хайваннар дөньясы объектларын кулану һәм саклау өлкәсендә үсешкә керткән өлеше өчен илтифат белдерелде. Дмитрий Иванов журналистларга сөйләгәнчә, 1,5 ел эчендә бөтен диярлек машина паркы яңартылды, 26 машина сатып алынды. Аның сүзе буенча, машиналарны яңартырга кирәкле, тагын 1-2 район калды. Аннан башка, кышкы вакытта хезмәткәрләрнең төп йөрү чарасы булып торган, 20 снегоход сатып алу дәверендә. Браконьерлык турында әйткәндә, Д.Иванов шулай ук әйтеп китте:2012 ел эчендә 9 җинаятьэше һәм 233 административ беркетмә төзелде. Бу елның 6 ае эчендә 160 административ эш ( чагыштыру өчен 2012 елның шул ук вакытында 100 булды) төзелде. ИА "Татар-информ"