«Кышын кошларны ашатыгыз!»: Балтач районында кошлар өчен кышкы «ашханәләр» урнаштырганнар
ТР Биоресурслар буенча дәүләт комитеты хезмәткәрләре «Кышын кошларны ашатыгыз!» Бөтенроссия экология акциясендә актив катнашалар.
«Кошларны сезонлы тукландыру буенча чаралар районда кыш буе уздырылачак. Кышлаучы кошлар өчен иң кулай ризык – кыздырылмаган һәм тозсыз көнбагыш бөртекләре. Каурыйлыларны киптерелгән миләш һәм дүләнә белән тукландырырга мөмкин. Кошларны нәкъ менә бераз тукландырырга гына, ә туктаусыз ашатып тормаска икәнлеген онытмаска кирәк», – дип сөйли «Балтач» тыюлыгы белгече Илфинә Ильина.
Кошларга җимлекләр Салавыч балалар бакчасы территориясендә урнаштырыла. Балалар җҗимлекләр һәм сыерчык ояларын урнаштыруда актив ярдәм итәләр, бер-бер артлы җим салалар.
«Бүген без «Песнәкләр көне» экологик акциясендә катнаштык. Хәзер көн саен җимлекләрнең агачтан төшеп китмәвен һәм җилнең дә аларга зыян китермәвен күзәтеп торачакбыз», – дип, кичерешләре белән уртаклаша балалар бакчасында тәрбияләнүчеләр.