Татарстан Республикасы Биоресурслар буенча дәүләт комитеты хезмәткәрләре кыр кәҗәсен иреккә чыгарган

2022 елның 18 ноябре, җомга

ТР Биоресурслар буенча дәүләт комитеты Алексеевск районы буенча районара бүлеге хезмәткәрләре кыр кәҗәсен коткарганнар.

«Хәбәр җирле аучыдан килде. Ул Алексеевск читендәге зират койасында кыр кәҗәсе кысылганын сөйләде», – ди районара бүлек башлыгы Сергей Самсонов.

Мөстәкыйль рәвештә хайван табигый тирәлеккә китә алмый. Хәзер аның сәламәтлегенә берни дә янамый. Хайванны район урманнарының берсенә җибәргәннәр.