Балыкларны кислородка туендыру: Татарстанда кышын балыкларның томалануын булдырмау чараларына старт бирелде
Кышкы һава торышы сулыкларда яшәүчеләр өчен чын сынауга әверелде. Аларның яшәешен саклап калу өчен төп шарт – суны үз вакытында кислород белән туендыру. Ләкин, балыкларның күпләп томалану куркынычы бик еш очрый.
Аларны үтермәс өчен, ТР Биоресурслар буенча дәүләт комитетының Спас районы буенча районара бүлеге хезмәткәрләре «Главрыбвод» Федераль дәүләт бюджет учреждениесенең баш ихтиологы белән берлектә «Спас» дәүләт табигать тыюлыгы территориясендә балыкларның кышын томалануын булдырмау буенча чаралар оештырдылар. Уртак тырышлык белән алар 35 бәке борауладылар.
Моннан тыш, алар биологик су ресурсларына һәм аларның яшәү тирәлегенә мониторинг үткәрделәр. Тикшеренүләр боз асты камерасы белән үткәрелде.
Әлеге чаралар кысаларында су биологик ресурсларының яшәү шартларын күзәтү һәм, кислород ачлыгы нәтиҗәсендә кышын аларның томалануын булдырмау өчен, балыкларның торышын контрольдә тоту үткәрелә. Бүгенге көндә сулыкларда кислород тиешле күләмдә, томалану күзәтелми.