25 апрельдән Татарстанда «Нерест-2023» комплекслы оператив-профилактик операциясе башлана
Бу хакта бүген ТР Биоресурслар буенча дәүләт комитетының Хайваннар, үсемлекләр дөньясы һәм аеруча саклана торган табигый территорияләр өлкәсендә дәүләт күзәтчелеге идарәсе башлыгы Радик Мутахаров «Татар-информ» мәгълүмат агентлыгында узган матбугат конференциясендә хәбәр итте.
«Идел-Каспий бассейны өчен балык тоту кагыйдәләре нигезендә, Татарстан өчен тыелган сроклар 5 июньгә кадәр билгеләнгән. Республика акваторияләрендә сәнәгать балыкчылыгына тулысынча тыю һәм сәнәгать балыкчылыгына чикләү кертелә. Балыкчылык кагыйдәләрен бозган өчен административ һәм җинаять җаваплылыгы яный», – дип билгеләп үтте ул.
Шунысын да билгеләп үтәргә кирәк, һәвәскәр балык тоту өчен бер гражданга уылдык чәчү урыннарыннан тыш ярдан балык тоту коралларында гомуми саны 2 данәдән артмаган ыргаклы, бер калкавычлы яки төпкел кармак кулланырга рөхсәт ителә.