ТР Саба районында яңа агач эшкәртү комплексы ачылды

30.08.2013 ТР Саба районында түбән сортлы агач эшкәртү комплексы ачылды.Тантаналы ачышта ТР Премьер-министры Ильдар Халиков, РФ табигать байлыклары һәм экология министрының урынбасары- урман хуҗалыгының Федераль вәкилә башлыгы Владимир Лебедев, ТР урман хуҗалыгы министры Наиль Магдеев, Саба муниципаль районының башлыгы Рәис Минниханов, Идарә башлыгы Дмитрий Алексеевич Иванов катнаштылар. Кунакларның Саба районының Лесхоз тораклыгына бару программасының беренче ноктасы булып, селекцион- орлык үзәге торды. Анда алар республиканың урман хуҗалыгына багышланган экспозиция карадылар, үзәкнең эше белән таныштылар. Аннан соң И.Халиков һәм В.Лебедев РФ һәм ТР атказанган урманчысы Нургали Минниханов һәйкәленә чәчәк куйдылар, ә шулай ук Саба районының Урман хуҗалыгы музеена бардылар. Программаның төп вакыйгасы булып, түбән сортлы агач эшкәртү комплексының ачышы булды. Сәләмләү сүзләрен әйткәндә, Татарстанның Премьер-министры бөтен кешене Республика көне белән котлады. “Нәкъ бу көнне, без бик озак көткән, сирәк очрый торган завод ачылуы болай гына түгелдер”- дип ассызыклап китте И.Халиков. Аның сүзе буенча, ТР беренче президенты Минтимер Шаймиев та берничә тапкыр монда җитештерүне үстерергә кирәклеге турында әйтте, һәм ТР хәзерге башлыгы Рөстәм Миннихановның да хыялы шушындый комплексны төзү иде. “Бүгенге вакыйга, без Татарстан урманнарын куллана алабыз, алардан әзер материаллар җитештерә алабыз диеп әйтергә мөмкинлек бирә. Чит илләрдә күргән яки ишеткән әйберләрнең күбесе, иң яхшы технологияләрдә безнең Россиядә дә, Татарстан җирендә булыр” – дип әйтте Республика Хөкүмәте башлыгы. Ул аерым, тиз арада комплексны салган, төзүчеләргә рәхмәт белдерде. “Җитештерелгән әйберләрне сату максатлары hичшиксез килеп чыгар дип ышанам”,- дип ассызыклады И. Халиков һәм шундый комплексларның республикада күп санлы булуларына өметләнеп калды. РФ табигать байлыклары һәм экология министрының урынбасары- урман хуҗалыгының Федераль вәкилә башлыгы Владимир Лебедев шулай ук, заводны ачу тантанасына җыелган бөтен кешене дә, бәйрәм белән котлады.“ Иң мөһиме, бу завод йомшак яфраклы токымны агачларны куллана ала. Без, бүгенге көнгә, шул токымнарны куллана торган бөтен комплексларга ярдәм итәбез”, дип әйтеп китте В. Лебедев. Ул ачыклап китте: беренче чиратта илнең европа ягы территорияләрендә ,берничә соңгы дистә эчендә ,агачлырның токым катнашмасы үзгәрде. “ Һәм безгә, кирәкле токым катнашмасына кире кайтыр өчен, 40-50 ел системалы яхшы эш кирәк”,- дип ассызыклап китте Россиянең табигать байлыклары һәм экологиясе министры урынбасары. Чыгыш барышында, ул шулай ук, иртә белән ТР Президенты белән очрашу үткәнен һәм ул очрашуда комплексның алдына куелган максатлар турында сөйләшү барганын, сөйләп китте. “ Бүген күргән һәм ишеткән әйберләрдән соң, минем ниндидер ак көнчелегем барлыкка килде,чөнки сез дөрес юнәлештә барасыз. Без сөйләшә торган әйберләрне, безнең эшлисе килгән әйберләрне, сез инде республика территориясендә эшлисез”, - диде В.Лебедев. ИА "Татар-информ"