Казанның ике районы территориясендә елга балыкларын рөхсәтсез сату урыннары буенча профилактик чаралар узды

2024 елның 31 мае, җомга

Бүген Татарстан Республикасы Биоресурслар буенча дәүләт комитеты хезмәткәрләре Россельхознадзорның Татарстан Республикасы буенча идарәсе һәм Вахитов һәм Идел буе районы администрациясе вәкилләре белән берлектә «Уылдык» комплекслы оператив-профилактик операциясе кысаларында урам сәүдәсе урыннары буенча рейд чарасы үткәрделәр.

Тыю кертелүгә карамастан, Колхоз базары территориясендә елга балыгы сату факты теркәлгән. Продукт ветеринария-рөхсәт документларыннан башка сатылган. Хокук бозучыларга карата «Урам сәүдәсен оештыру тәртибен бозу» ТР Административ хокук бозулар кодексының 3.2 статьясындагы 2 өлеше нигезендә административ хокук бозу турында беркетмәләр төзелде.