ТР Биоресурслар буенча дәүләт комитетында ришвәтчелеккә каршы комиссия утырышы уздырылды
ТР Биоресурслар буенча дәүләт комитетында дәүләт граждан хезмәткәрләренең хезмәт тәртибе таләпләрен үтәү һәм мәнфәгатьләр каршылыгын җайга салу буенча комиссия утырышы узды.
Утырышта Татарстан Республикасы Рәисенең ришвәтчелеккә каршы сәясәт мәсьәләләре идарәсенең оештыру бүлеге баш киңәшчесе Юрий Корнилов һәм «Россия дәүләт гадел хөкем университеты» ФДБББО судьяларның, судларның дәүләт граждан хезмәткәрләренең һәм Суд департаментының (судьяларның һәм судларның дәүләт хезмәткәрләренең ФПК) квалификациясен күтәрү һәм яңадан әзерләү факультеты деканы, икътисад фәннәре кандидаты Светлана Башкирцева катнашты.
Комиссия ТР Биоресурслар буенча дәүләт комитетының дәүләт хезмәте һәм кадрлар секторы тарафыннан хайваннар, үсемлекләр дөньясы һәм махсус сакланылучы табигать территорияләре өлкәсендә дәүләт күзәтчелеге буенча район (районара) бүлеге башлыкларының берсе тарафыннан 2024 елда тапшырылган керемнәр, чыгымнар, мөлкәт һәм мөлкәти характердагы йөкләмәләр турындагы белешмәләрнең дөреслеген һәм тулылыгын тикшерү нәтиҗәләрен, шулай ук аның хезмәт тәртибенә карата таләпләрне үтәвен карады.
Утырыш йомгаклары буенча ришвәтчелеккә каршы көрәш максатларында билгеләнгән чикләүләрне һәм тыюларны, мәнфәгатьләр конфликтын булдырмау яки җайга салу турындагы таләпләрне һәм бурычларын үтәмәгән өчен дәүләт хезмәткәренә карата 2004 елның 27 июлендәге 79-ФЗ номерлы «Россия Федерациясенең дәүләт граждан хезмәте турында» Федераль законның 37 статьясындагы 1 өлешенең 1.1 пунктчасы нигезендә эштән азат итү чарасын кулланырга тәкъдим ителде.