Пәрәвездәге үрмәкүч: ТР Биоресурслар буенча дәүләт комитеты үрмәкүчсыманнарның серләрен ача

2025 елның 21 августы, пәнҗешәмбе

Үрмәкүчләр – экосистемада мөһим роль уйнаучы борынгы һәм гаҗәеп җан ияләре. Алар бик төрле шартларда яши – тропик урманнардан алып чүлләргә кадәр, тау түбәләреннән алып мәгарәләргә кадәр таралганнар. Кайбер төрләре хәтта су өстендә дә, су астында да хәрәкәт итә ала.

Татарстанда 21 гаиләдән үрмәкүчләрнең 165 төре яши. Республиканың Кызыл китабына дүрт төре кертелгән:

Кара эрезус – камкага охшаган ачык төстәге сирәк үрмәкүч. Өннәрдә яши.

Өлешчәле агриопа – тәне өлешләргә бүленгән тыныч үрмәкүч. Далаларда һәм болыннарда ауга йөри, зигзагсыман бизәкле зур түгәрәк пәрәвез үрә.

Көмеш үрмәкүч – бердәнбер тулысынча су үрмәкүче. Үсемлекләр үскән акмый торган сулыкларда тереклек итә, атмосфера һавасын сулый. Лаеш, Яшел Үзән районнарында, Казан шәһәре тирәсендә Казансу елгасының сулыкларында очрый.

Көньяк рус тарантулы – Татарстандагы иң зур үрмәкүч. Өннәрдә яши, өн авызы төбендә бөҗәкләр аулый. Республиканың 17 районында таралган.

Бу төрләрнең барысы да җирле экосистеманың мөһим өлеше булып тора һәм махсус саклауны таләп итә.