Хайваннар дөньясын саклау өлкәсендә инновацион технологияләр кертү үзәге хезмәткәрләре Кызыл китапка кертелгән ысылдавык аккошны тернәкләндерүгә алганнар

2025 елның 22 августы, җомга

Яшел Үзән районының битараф булмаган гражданнары Кызыл китапка кертелгән җәрәхәтләнгән ысылдавык аккошны коткарды. Алар аны мөстәкыйль рәвештә Сирәк төр хайваннарны коткару, карап тору һәм табигый яшәү тирәлегенә кайтару станциясенең дәвалау корпусына тернәкләндерүгә тапшырдылар.

Кошны карагач, белгечләр аның канатындагы зур булмаган зарарлануы аркасында оча алмавын ачыклаган. Алган җәрәхәтләренә карамастан, сирәк очрый торган һәм матур кош үзен тыныч тота. Хәзер аның сәламәтлегенә берни дә янамый, аңа бөтен кирәкле тәрбия бирелә.

Ысылдавык аккош өчен сулы буа һәм баланслы туклану белән уңайлы шартлар тудырылган. Кош ныгыгач, аны табигый яшәү тирәлегенә чыгарачаклар.