Россия Федерациясе Хөкүмәте Рәисе урынбасары һәм Балыкчылык буенча Федераль агентлык җитәкчесе Халыкара балык сәнәгате форумында Татарстанның балык продукциясен бәяләделәр
РФ Хөкүмәте Рәисе урынбасары Дмитрий Патрушев һәм Балыкчылык буенча Федераль агентлык җитәкчесе Илья Шестаков VIII Халыкара балык сәнәгате форумында һәм Балык индустриясе, диңгез продуктлары һәм технологияләр күргәзмәсендә булдылар. Визит барышында алар Татарстан Республикасы стендын карадылар һәм республиканың әйдәп баручы предприятиеләре тарафыннан тәкъдим ителгән елга продукциясенең киң ассортименты презентациясе һәм экспозициясе белән таныштылар. Компанияләр 30 дан артык төр балык деликатеслары тәкъдим иттеләр, алар арасында салкын һәм кайнар ысул белән ысланган балык; тәмләткечләр белән тозланган продукция; какланган балык; балык; какланган уылдык; яңа туңдырылган филе; балык пилмәннәре; котлет һәм купатлар; тәм-томнар; консервалар да бар. Дмитрий Патрушев белән Илья Шестаков балыкчылык өлкәсендәге ведомстволарның эшен уңай бәяләделәр.
Халыкара балык сәнәгате форумы –Россиянең 83 төбәгеннән һәм дөньяның 76 иленнән 400 дән артык компанияне җыйган тармактагы төп вакыйгаларның берсе. Чара, балык тоту һәм эшкәртүдән алып, кулланучыларга әзер продукция бирүгә кадәр, балык хуҗалыгы комплексының барлык тармаклары вәкилләрен берләштерде. Катнашучылар арасында аквакультура, марикультура предприятиеләре, суднолар төзү һәм суднолар ремонтлау компанияләре дә бар иде.