Кошларга җылылык бүләк ит: Чистай районында «Кошларга - җимлекләр» муниципаль конкурс‑акциясе башланып китте
«Чиста болыннар» дәүләт табигать заказнигы «Юл хәрәкәте иминлеге» ДБУнең Чистай бүлеге, «Беренчеләр хәрәкәте» Гомумроссия балалар һәм яшьләр хәрәкәте җирле бүлеге Советы, ТР Мәгариф һәм фән министрлыгы каршындагы Чистай районы Ата-аналар советы һәм район Әтиләр советы белән берлектә «Кошларга - җимлекләр» муниципаль конкурс‑акциясен башлап җибәрделәр. Акциядә түбәндәгеләр катнашырга мөмкин: мәктәпкәчә белем бирү оешмаларында тәрбияләнүчеләр; гомуми белем бирү оешмалары укучылары; балаларга өстәмә белем бирү учреждениеләрендә укучылар; сәламәтлек мөмкинлекләре чикләнгән балалар.
Моның өчен дүрт төр җимлекнең берсен сайлап алып әзерләргә кирәк: экоҗимлек; юл хәрәкәте кагыйдәләре стилендәге җимлек; «Беренчеләр» җимлеге; теләсә нинди зурлыкта һәм формада эшләнгән гаилә җимлеге. Аннары эшләнмәне 14 декабрьгә кадәр заказник офисына (адресы: Чистай ш., Фрунзе ур, 97а/2) алып килеп тапшырасы. Чара конкурста җиңүчеләрне һәм катнашучыларны бүләкләү белән тәмамланачак. Конкурс турында тулырак мәгълүматны 8 927 403‑12‑52 телефоны аша белергә мөмкин.