Республикада иҗтимагый юнәлешле оешмаларның II Республика күләмендәге форумы үтте.

2013 елның 2 декабрендә Татарстан Республикасында иҗтимагый юнәлешле оешмаларның (ИЮО) II Республика күләмендәге форумы үтте. Аның эшчәнлегендә Татарстан Республикасы Президенты Рөстәм Минниханов та катнашты. Гомуми утырышта чыгыш ясаганда Рөстәм Минниханов республиканың иҗтимагый юнәлешле оешмалары , республика алдында торган мәсЬәләләрне чишүдә дәүләт өчен җитди ширкәттәш булып торуларын, ветераннар һәм яшьләр, дини, милли һәм иҗади оешмаларның йогынтысы артуын билгеләп китте. “ ИЮО - республика алдында торган мәсЬәләләрне чишүдә дәүләт өчен җитди ширкәттәш” - дип, ассызыклап үтте Татарстан Республикасының Президенты. Гомуми утырыштаРФ Экономика үсеше министрлыгының инновацион үсеш Департаментының директоры Артем Шадрин да катнашты. Үзенең чыгышында, ул Татарстанның ИЮО буенча үсеше алда булуын һәм Татарстанның бу күрсәткеч буенча лидерлар арасында булуын билгеләп китте. Экономика үсеше министрлыгы, ИЮО үсеше буенча, республикага ярдәм итәргә тырыша. Форум чикләрендә шулай ук 5 секциянең утырышлары узды:
- 1 нче секция “ ИЮО респбликаның экономика үсешендә катнашуы”
–2 нче секция «Идарә карамагындагы һәм муниципаль иҗтимагый кидәшләр: байлыклар һәм мөмкинлекләр»;
 –3 нче секция «Гражданнар җəмгыяте институтларының халыкара мөнәсәбәте үсешенә кертеме»;
–4 нче секция « ИЮО үсешенең актуаль сораулары: казанышлары һәм мəсьəлəләре»;
–5 нче секция «Информацион мәйданда гражданнарның карашы».
1 нче секция эшчәнлегендә ТР экономика министрының беренче урынбасары Сәрия Сиразиева катнашты. Ул дәүләт һәм муниципаль хакимият әгъзаларының бергә нәтиҗәле эшләүләре турында сөйләде. II Республика күләмендәге форумда 1000 артык кеше катнашты. Алар арасында республиканың бөтен районнарында булган ИЮО вәкилләре, министерстволарның һәм идарәләрнең иҗтимагый киңәш әгъзалары, муниципаль оешмаларның иҗтимагый киңәш әгъзалары, чакырылган экспертлар, федераль идарәләрнең вәкилләре катнашты. Гомуми утырышның ахырында ТР Президенты Рөстәм Минниханов ИЮО өчен ТРМК грантын алырга сертификатлар тапшырды.