Чыпчыкларны саныйбыз: ТР Биоресурслар буенча дәүләт комитеты Бөтенроссия сан алуда катнашырга чакыра
ТР Биоресурслар буенча дәүләт комитеты барлык битараф булмаган гражданнарны һәм табигать сөючеләрне 7 февральдән 15 февральгә кадәр узачак Бөтенроссия чыпчыклар исәбен алуда катнашырга чакыра. Чара гадәттәгечә Россиядә йорт һәм кыр чыпчыклары саны турында актуаль белешмәләрне вакытында алу, шулай ук еллык циклның бер үк срокларында бер үк нокталардан зурлыклары буенча мөмкин булган максималь территориядә чыпчыклар саны турында мәгълүмат җыю өчен үткәрелә. Тикшеренүнең дәвамлылыгы – 10 – 15 ел.
Мондый исәпкә алулар канатлы дусларның яшәү тирәлегенең экологик торышын бәяләү өчен бик мөһим, чөнки соңгы вакытта дөньяның күп кенә илләрендә, аерым алганда Европа илләрендә чыпчыклар саны кимү күзәтелә. Бу күренешнең сәбәпләре белгечләргә әлегә кадәр билгесез булып кала бирә.
Акция нәтиҗәләре буенча берничә критерий буенча регионнар рейтингы төзеләчәк: исәпкә алынган кошларның гомуми саны; катнашучылар саны һәм күзәтү нокталары саны. Исәпкә алуны үткәрү тәртибе һәм исәпкә алу мәгълүматларын җибәрү кагыйдәләре белән җентекләбрәк сайтта танышырга мөмкин.